[alfares3000]

المشاركة الأصلية كتبت بواسطة هانى67

احب بلدى لاسباب كثيرة منها سائق التكتك اللى بيخالف الطريق والعربية الكارو اللى بتكسر عربيتى والامن اللىسايب المخدرات تحت بيتى وشاغل نفسه بياانا اللى لا اخرج من بيتى الا لضرورة ملحة وكادر المعلمين اللى حرمونا منه ولو شفتو اللى انا شفته فى الساحل الشمالى القصر ثمنه 6 مليون جنيه ومحقق الشئون القانونية اللى مكتوب اسمه فى اللجنة و لا يحضر اخر تحية كتب فهمى هويدى فى المصرى اليوم اناحد اعضاء مجلس الشعب يوجد فى دايرته الفين شاب بقالهم احد عشر سنة فى المعتقل حد يقوللى ليه انا اقولك امن الدولة خايف عليهم من الانخراط فى صفوف الجماعات الاسلامية فى الصعيد واخر سلام لالف و ثلاثمئة شهيد فى العبارة و السلام ((((((( 98

انا معك ان كل ده بيحصل لكن من السبب مصر ولا احنا بعبارة اخرى كل اصابعك مش زى بعضيها وانا ساعطيك اشخاص فى مقابل ماذكرت سائق سيارة لم يجد الا قوت يومه ويجد امانة لسائحة ويسلمها للشرطة ليس لطمع ولكن لتوصيل الامانة والعربية الكارو مش ذنبه انه فقير وماعندوش تاكسى لكن راضى وحامد ربنا وكان هناك وزير للداخلية اسمه أحمد رشدى اسال عنه وهاتعرف انه ليس كل رجال الشرطة سيئين وانا مش بدافع عن احد انا اعطى امثلة فقط وكان هناك وزير تربية وتعليم اسمه عبد السلام عبد الغفار كان مدرس صحيح لم يجلس طويلا لكن فكر فى المعلم قبل كل شىء وايضا عبد الاحد جمال الدين اما عن اعضاء مجلس الشعب أسال عن ممتاز نصار اما الصعيد فانا العبد لله كاتب الموضوع من أسيوط ولعلمك انا لم ادخل امتحان الكادر وزملائى اخدوا فلوس الكادر وانا لم اخذ ولكن عملى لم يتأثر او يقل لانى بعامل ربنا مش وزير ييجى ويروح وييجى وزير غيره بالمناسبة بكرة الجمعة 2009/5/29 عندى امتحان كادر مع المتخلفين وهادخل عارف ليه لانى مادخلتش علشان الدرجة زى ماقال الوزير وبعد مامدخلتش نفس الوزير اعطى الدرجة للى دخلوا وعارف هايشدد فى النتيجة علشان يسقطنا حتى لو سقطنى وما اخدتش الكادر وشعرت بالظلم برده هاحب مصر وتراب مصر اخى هانى العيب فى الناس مش فى مصر لو عجبك ردى قل بحبك يامصر وتحيا مصر لانه مافيش مكان اخر نعيش فبه ويستحملنا زى مصر