بص يا عمر ..اعتقد هو ده الاسم يعني
انا مش هاقولك نصيحة من مجرب وانا خبرة وانا عارفة وقابلت
لا
بس هاقولك اني حسيت اوي انت عاوز تقول ايه والى حد كبير متفهمة وضعك
ترجعله ولا لا؟؟
لا
هاتقولي صعب
وكمان في اشتياق
وفي بكا وفي حجات كتير
فاهمة ومقدرة ده كله
لكن اللي بيحبك بجد سواء كان صديق او حبيب عامة
مستحيل يتنازل عنك للحظة واحده
ابدا ابدا
هاتقولي ماهو حس بقيمتي ورجع غلطان ندمان
هاقولك يبقى ارجعلو واستناها منو تاني قريب
بص حد بعد عنك وانت اديتلو كل حاجة
ورجعلك تاني بيبكي يبقى تعرف
ان مكانتك اعلى منه بكتير
انت تستاهل تصاحب حد افضل من كده بكتير
قد يكون رايي قاسي جدا
انا عارفة بس بجد ده هايكون ف مصلحتك
اعرف قيمة نفسك
وما تذلهاش وماتقللش منها
حافظ على مكانتك قدام نفسك عشان الكل يحفظهالك
والحياة ما بتتوقفش على حد
زي مافي الحسن دايما في الاحسن
ربنا يوفقك