[أسيل رزق]

المشاركة الأصلية كتبت بواسطة براءة

لو هى فعلا ف قمة (الاحترام والاخلاق) كانت هتدرك ان ده غلط من غير لا وعى ولا دين
وبعدين ايه الحلو ف اللبس القصير الا اذا كان بهدف الاغراء
ولو فرضا نيتها بريئة بقي افتكر بمجرد ما هتلاحظ النظرات اللى حواليها لو كانت محترمة وخَلوقة كده المفروض هتحس انها المفروض تتلم
ممكن اوافق ان بيئتها فارضة عليها ده لكن مينفعش اقول عليها قمة ف الاحترام والاخلاق
ولا ايش

حبيبتى أنا مش بقول إنها صح ولا إن كده مش عيب .. بس لما تكون واحدة عايشة فى المهندسين ولا المعادى ولا مصر الجديدة الطبيعى إن الناس معظمهم كده فى المناطق دى .. فا هيكون حاجة عادية ، وهما متربيين على كده .. و بعدين الدين يختلف فى النقطة دى .. يعنى اللى تسيب شعرها هنقول عليها قليلة الأب وعايزة تتمنظر بشعرها .. طيب ما نفرض إنها بنت مسيحية
يبقى ما نحكمش على المنظر و بس .. هى ممكن تكون محترمة وبتصلى كمان ويمكن من جواها حاسة بإحراج لكن لما الواحد يتربا على حاجة بتختلف وجهة نظره لانه بيعتقد إن ده الصح .. و بعدين إحنا لما نشوف بنت زى دى جارتى مثلاً هقول دى قليلة أدب ومش متربية .. ولا المفروض إنى أحاول أقنعها إنها تغير لبسها و ألفت نظرها لكده ، بدل ما أفضل أقول قلة أدب و خلاص .. ساعتها يبقى أنا اللى محتاجة أدب لانى بتكلم عليها بالسوء فى الرايحة والجاية