من غير ما تجيبى حد
انا قلبى حس وجيت لوحدى
وبما انى خبرة فى شئون الادبى .. هارد
بصى يا منى
بالنسبة لادبى
ف تانية عندك المواد الاساسية عربى وانجليش ورياضة 1 واللغة التانية ( فرنساوى او المانى او ايطالى )
وبتاخدى مادة ادبية
تاريخ او علم نفس او فلسفة او جيولوجيا
او اقتصاد واحصا ( الاتنين مادة واحدة )
بس افضل حاجة ف تانية التاريخ ( عشان ف تالتة بيبقى صعب جدا تذاكريه مع باقى المواد اللى كلها محتاجة حفظ )
وف تالتة بقى
عندك اساسى عربى وانجليش وجيولوجيا ( لو اخدتى تاريخ ف تانية )
او عربى وانجليش وتاريخ ( لو اخدتى جيولوجيا ف تانية )
ومعاهم بتختارى مادتين من تلاتة
علم نفس
فلسفة
اقتصاد واحصا
ومواد المستوى الرفيع بتاعة الادبى
عربى وانجليش وفلسفة وجغرافيا
طبعا الناس كلها بتاخد جغرافيا وفلسفة
والمعظم جغرافيا لانها على حسب ما بيقولوا اسهل مادة فيهم
بس كدة ..
هو ده نظام الادبى
وطبعا زى ما مستر محمد قالك
الادبى ليهم انهم يدخلوا الكليات الادبية بس
لكن العلمى ليهم الكليات العلمية والادبية
لكن الكليات الادبية تنسيقها من ادبى بيكون اقل من علمى
واخيرا
انتى لازم تختارى الحاجة اللى بتحبيها
لو حابة المواد العلمية وانك تدرسى ف كلية علمية .. ادخلى علمى
لو حابة المواد الادبية وانك تدرسى ف كلية ممكن تدخليها من ادبى .. ادخلى ادبى
وفكرى كويس جداا وشوفى ايه اللى هاتقدرى تنجحى وتتفوقى فيه اكتر وادرسيه
لان دراستك لحاجة بتحبيها بتكون افضل من دراستك لحاجة مجبرة عليها
ربنا معاكى ويوفقك ياا رب
واى استفسار او اى حاجة مش واضحة ف كلامى الملغبط ده
انا موجودة ان شاء الله
