صراحةً عمري ما شوفتْ الكلام ده قلة أدب علي قدر ما شوفته تخلف ونسبة غباء عالية جداً متأصلة في منتهجي السلوكيات دى
يعني الولد الصغير اللي بيشرب سجاير ده مفيش دليل انه متخلف اكتر من انه لسه في مرحلة نمو وبيشرب حاجة تضره
والبنت اللي لابسه ميني جيب دي مفيش دليل اكتر من انه تخلف غير انها عارضة نفسها للي يسوا واللي ميسواش وفي أي وقت وببلاش
والولد اللي بيشرب سيجارة في المدرج فمفيش دليل اكتر من تخلفه غير انه فاكر ان دي علامة من علامات الرجولة والحلاوة قدام البنات متخلف أصيل يعني وميستحقش اننا نتكلم عنه غير بالتسخيف والتقليل
بالنسبة للطالبة الجامعية فمفيش دليل اكبر علي تخلفها سوى انها فاكرة إن الوحش يبقي حلو بالميكاب وتقدري تستخدمي الميكاب لكن في التويلت مش لازم تعرفي الناس انك وحشه ومستخبية ورا ميكاب ( الضلمة ستر وغطا )
والشاب اللي مبيوقفش فانا شايفها بردو تخلف .. يعني دلوقتي مثلا الشاب ولا عنده ثقافة يفرح بيها ولا عنده حاجة عدله في حياته يفرح بيها وتديله قيمته مش فاهم انا ميعملش حاجة عليها القيمة ليه عشان يفرح بيها ( عاشق للفشل والإحباط )
بالنسبة للي بيسمي المنحرفات فنانات فمفيش سبيل خالص لتقدمه هو متخلف ابد الآبدين .. لإن تعريف الفن أصلا ً شئ روحي وغذاء للعقل والنفس مش غذاء للجانب الحيواني والشهوة البهيمية يعني م الآخر الفن بيتعامل مع النص اللي فوق دون ذلك فهو مش فن ده تخلف كبير
مش فاهم انا موضوع الرياضي ده بصراحة بس متهيألي يقدر يروح أي نادى يمارس تمريناته الرياضية مش لازم يعرفنا انه رياضي
لذلك فأنا شايف انهم لو ضحكوا عليه هيبقوا عايزين يتسلوا او فاضيين يعني لكن مش تخلف
بالنسبة للولد اللي بيعاكس فده قمة التخلف .. يعني مثلا انت لما بتعاكس بتكون عايز ايه ؟ لو بتعاكسها عشان تصاحبها وهيا وافقت تبقي مش محترمة وانت مش محترم .. لو بتعاكسها عشان كدا وخلاص ونفضتلك تبقي مش محترم بردو .. لو منفضتش وهزقتك تبقي بردو عرفتك انك مش محترم .. يعني في كل الحالات انت الخسران
الاتنين الآخريين البنت بتاعت الميكاب والواد بتاع الكافتريات فدول معنديش كلام عليهم بس هما غالباً ينتموا للتخلف بعينه
شكرا للموضوع الجميل
وربنا يستأصل منا التخلف
يايستأصلنا من البلد دي