[احمد رضا]

المشاركة الأصلية كتبت بواسطة travel

انا اول ما شفت اسم الموضوع قولت ف تلقيح كلام بقى وهيقلب بخناقة
وحاجات حلوة بس نظريتى للاسف باتت بالفشل
الموضوع بجد جميل جدا
حاسة انى سمعت القصة دى قبل كده مش فاكرة
بس بجد جميل جدا والاجمل طبعا ان يكون ف استفادة منها

ياريت فعلا كلنا نعمل كده
لان للاسف دلوقت الاغلبية (عامة) بيتكلموا وخلاص مش شرط بيجرحوا اللى قدامهم ولا لأ
او بيتكلموا من وراهم بسوء نية وكلام لا يمت بالواقع نهائيا

عارف
انا كنت ف الاول ربنا يكون ف عون العيلة منى كنت بنتقد اى حاجة تتعملى
بس ف الاكل كنت صعبة حاجات معينة اللى باكلها
لحد ما جه يوم وخرجت مع اصحابى شفت بجد منظر صعب
استحالة ف يوم من الايام اشوف اصعب منه
طفل عمره لا يتجاوز 12 سنة او 9 سنين ف الحدود ده
بياكل من الزبالة بينقيها وبيدور ع اكل فيها

من ساعتها بحمد ربنا ان ف حد بيعتنى بيا وكل حاجة ف حياتى

الدنيا فيها الحلو والوحش
كتير بيتمنى مننا انه يموت بيقول يمكن يلاقى ف الاخرة اللى ملاقهوش ف الدنيا
بس المشكلة ياعالم ماهو ممكن يطلع نفس الحظ اللى ف الدنيا هو اللى ف الاخرة
ممكن ميكونش اللى اتمنينا اننا نلاقيه ف الاخرة مش موجود
مجرد حلم او خيال بيعدى علينا
يمكن نتمنى اننا نقدر ع تطوير ذاتنا وتفكيرنا وحياتنا افضل من اننا نعجل بالموت
ونقول ده قضاء وقدر ربنا

فعلا .. يمكن ساعات بحس ان الصبر نفذ خلاص والتعجيل هو بيكون مفتاح بعض الاوقات
بس
الصبر فعلا مفتاح الفرج
كتير من العلماء ف اختراعاتهم اخدوا وقت كبيييير جدا
والاختراعات مش بتيجى ف ثوانى وان كانت ف بعض الاحيان بتكون وليدة صدف

او فكر ف الشعور الجميل اللى بيوصلك لما بتنجز حاجة
بالظبط زى المزاكرة
اتعب طول السنة وكافح .. وف الاخر هتلاقى
ولو ملاقتش
اكييد ده قدر ربنا وهيعوضك ف حاجة تانية ان شاء الله
. . . .
للمرة التانية
بجد جميل اوى الموضوع يا برومثيوس
ربنا يبارك فيك
اه نسيت
متبقاش تكتب بلونى لو سمحت

ربنا يبارك فيكي يازينب يارب
فعلا محتاجين نبص للحياة بوجهه نظر تانيه
نجرب ونشوف
ونحس النتيجة
مش هنخسر كتير
ههههههه
حاضر مش هكتب بلونك تاني
ميرسي لمرورك الجميل