[احمد رضا]

لا يا ابو حميد
حضرتك كاتب وبترد على ردى وانا ردى مفهوش اى خصوص ولا تخصيص لجماعة الاخوان
انا اتكلمت بوجه عام على الموقف العام الى حصل
واستشهدت بكذا مثال
يعنى لما حضرتك وترد كدا عليا يبقى حضرتك بتقصد كلامى
ولا تقصد الموضوع كله

بقصد القضية اللي بشملها في الموضوع ياحمادة
انت مفروض تفهم القصد مش مستاهلة كل المجهود ده

قضية الإخوان واعتراضهم اللي بتكلم عليها وبعدين انت فعلا ً بتتكلم عن موقف
امال ظاهرين في الصورة دي وحسستني انك عبد الحليم ( صورة صورة صورة )
:D

ايه يا حماده انت مشفتش كلمة زينا وكلمة عربى
يعنى مفيش اى مجال انها تتفهم غلط
تانى حاجه
طب ايه الى حيخليه يدخل المسجد وليه يدخله
طب لو دخله حيدخله بايه بمبادئه هو ولا بمبدائنا احنا
وبنظمنا احنا على الطبيعة

لالا انت قولت البطة السودا ما انا ممكن افهمها بسفسطة زي ما فهمت جملتي عن كلامي عن الإخوان إنهم لا يعنوني شئ وكلامي عنهم بمثابة تضيع وقت لا أكثر
:D
حاجة تانيه يدخل المسجد عشان يُظهر إحترام للدين الإسلامى ( وياريت احترام تتفهم كويس هنا )
ولكن مش معني إني محترم المقدس اني أخاطر بحياتي من قِبل ناس اللي اتعرف عنهم في الغرب انهم بتوع مشاكل وإرهاب وزي ما قولتلك في حكاية الطبيعة دي
لما يبقي الشعب مش متخلف ويعرف يعني ايه نظام ويعني ايه إعلام دولي ساعتها يبقي الحكومة تسمحلهم بالتواجد بشكل كويس وانا شايف انه قرار حكيم جداً من الحكومة الفاسدة صراحة
لاني زي ما قولتلك مبنبيضش وش

حديك مثال يا ابو حميد
عمك مبارك كان فى امريكا السنه الى فاتت
هل رئيس امريكا راح جابه من المطار ولا حتى عبره
لا بعتله وزير الخارجيه ولا مش فاكر وزيرة
علما انه كان فى امريكا يعنى مكنش فى الخارج
ايه راى حضرتك وكان الرئيس رايح بكل جيشه ووزرائه
يعنى معملهوش الهيلمان الى احنا عملناه
ولا فضاله المطار علشان هو جى يعنى
ابدا كان كل حاه شغاله زى ما هى
بالنسبة للشعب ازاى احنا شعب مش منظم
ما اتنظيم ده حيجى منين من الدولة
يعنى كدا بلسان حالك بتقول تقدير الكلام يعنى
اذا صلح الحاكم صلحت الامة
واذا انتظم الحاكم انتظم الشعب
ولا خايف على صورته واحنا بنجرى على الرئيس الامريكى نفكر انهم بيوزعوا لحمة لاننا مش لقينها ونظهر قدامه على حقيقتنا
يعنى العيب مش فينا فى الاول وفى الاخر فى حكومتنا

أولاً : عمك إنت مبارك ده لاني مش علي مصلحة معاه بالطبع ثانياً صراحة معرفش إذا كان راح استقبله ولا مستقبلهوش ولكن نفترض جدلاً انه مراحش استقبله فطبعا يستحق انه ميستقبلهوش لانه رئيس دولة من العالم التالت ولا له اي قيمة في الحياة لذلك فلازم الناس متقدرهوش يعني لكن ده رئيس دولة عظمى يعني مش هزار دولة بتمن عليك بالمعونة يعني م الآخر موكلاك ومشرباك يبقي لازم يروح يبوس الايادي والأقدام كمان مش يروح يستقبله بس .. ياريت عشان ربنا يرحمنا نعرف قيمتنا
كمان اوعي تقارن شعبنا في النظام بالشعوب المتقدمة لان مفيش أي مجال للمقارنة يعني م الآخر احنا نستحق المعاملة اللي بيعملونا بيها طالما احنا شعب متخلف ( نصف نتيجة لحكومة فاسدة )
هههههههههه بردو العيب مش فينا
مهو لو مش فينا ناس جبانة بأعداد مهوله وكل اللي يتقال انهم جماعة كان زمان الشعب اتصلح حالة

لكن دول سبوبجية يعني لازم تبقي البلد كدا يعني العيب فينا قبل ما يكون في النظام
مفيش هرم بيستقيم غير لما تبقي القاعدة مظبوطة

وهل ده مش بيحصل برة
ولا فى امريكا ذات نفسها
ازاى اغتيل ماكين رئيس امريكا بنفس الطريقة ومن ايد اجنبيه مش مسلمة ولا عربية
وبرضه اندس فى وسط الحشود
ازاى حصلت معظم التفجيرات برضه بنفس الطريقة ومن يد اجنبيه مش عربيه

ايش عرفك انها ايد مش عربية ؟ وابقي هاتلي الدليل عشان انا معرفش
طيب نفترض انه حصل علي ايد مش عربية عايزينه يحصل تاني وف مصر ؟
هيا ناقصة فضايح مش نتعلم من اخطاءنا ياحمادة العالم دلوقتي بقي خرابة واحدة لازم نتعلم من جيرانا

وبعدين أصلا شعب همجى مش منظم ومش هقولهالك تاني اللي مكانش بيصلي طول حياته هتلاقيه قمة التقي والورع في قلب المسجد ليل نهار عشان اوباما جى والصحافه هتيجي وتلاقي ناس طالعه قدام الكاميرا ويقولك ام احمد انا اهوه مش هتأخر شيفاني ياام احمد ؟ ياولية شيفاني .. عايزة جبنه نيستو وانا جي ولا عندنا من امبارح ؟

ميبيضش وش لان النظام
وحكومة فاسدة متبيضش وش
لكن الرك علي شوية السبوبجية اللي محسوبين علينا وخلاص

طبعاً إنت بتقلص من ردودي كتير
وبتنقي حاجات بعينها وده طبعاً مُلاحظ ومتشاف
وعموماً ياحمادة انا فعلاً عندي مواضيع أهم كتير من غرض الإخوان من الرفض
ووجهه النظر الضيقة وطبعاً لما وضحتلك أسباب اتخاذ الحكومة زي الإجراءات دى

* إزدياد عدد المُصلين مما يعيق حركة الإعلام وإعاقة التحكم التام للجهات الأمنية

* احتمال إندساس بعض الإرهابيين بين المصلين واحتمال حدوث جريمة وبالتالي إلصاق تهمة أكبر بالمسلمين وتثبيت تهمة الإرهاب الإسلامي ( واعتقد ان فيه كتير جداً محتاجين يثبتوا الكلام ده علينا وعلي ديننا الحنيف من المتربصين )

* احتمال حدوث فوضي بين المصلين وظهور مثل تلك الفوضي علي شاشات التلفزيون العالمي من شانه نقل حالة التخلف كما يجب لدول لعالم الأول ( أينعم متخلفين بس ميعرفوش مظاهر التخلف اوي عندنا بردو لازم نعرفهم اننا متخلفين ؟ )

طبعاً إنت مشملتش أسبابي اللي اعتبرها منطقية بشكل منطقي لذلك ياحمادة ده الكلام اللي عندي في تبرير وجهه نظر الحكومة الفاسدة وحكمتها في اتخاذ قرار زي ده لان قدام الإعلام الدولي

كان هيبقي منظرنا أكتر وحش

شكرا ياحمادة علي المناقشة الحلوة ( اللي مش مقتنع بتنظيمها وطريقة معالجتها ) اللي طبعاً إنت قعدت تكلمني فيها بأمثلة وافتراضات .. السلام عليكم