اقتباس:
المشاركة الأصلية كتبت بواسطة Julius Caesar
أنا عندى مشاكل كتير مش قادر على حلها بس اصعبها بتحصل معايا من سنتين تقريبا
أنا كنت أنا محمود اعز أصحابى ربنا يرحمه بقا كنا فى يوم متاجرين ملعب بالليل وبعدين فضلنا نلعب يمكن لقبل الفجر بشوية
واحنا راجعين كنا أخر اتنين مروحين وكنا ماشيين بنهزر ونلعب الكورة لبعض على الطريق المهم انا مش عايز أدخل فى التفاصيل دى او مش عايز افتكرها المهم جت عربية نقل كبيرة ( مبتمشيش على الطريق الا بالليل اصلا ) خبطت محمد ومات
أنا شفت كل حاجة بعنيا بجد كان منظر مروع وساعتها بدات أشوف كل حاجة صغير صغيرة اوى عن الحجم الطبيعى وكمان بعيدة بعيدة أوى أوى
والحالة دى بتحصل كتير خصوصا لما بكون مخنوق او بفكر فى حاجة او ببكى او قبل ما انام
لو بكلم فى واحد احس انه بعيد بعيد اوى او بقى شايفه صغير فى حين انى بشوف نفسى ضخم وببقى خايف من كل حاجة كل حاجة
ولما بجئ أنام أبص لأخر السرير احس انه فى مدغشقر
الموقف ده بقا بيتكرر معايا كتير
أنا عارف انا ممكن اكون مريض نفسى وفعلا جربت العلاج النفسى بس تعبت اكتر والمهدات كنت بخدها تقريبا كل يوم
انا مش عارف اعمل ايه
وده غير الاحلام والكوابيس اللى بحلم بيها كل ليلة واللى بقوم دايما مفزوع فى نهايتها
أرجوكم أرجوكم حد يقولى اعمل ايه أنا خلاص تعبت
واسف على الازعاج
|
السلام عليكم ورحمة الله وبركاته
( العندليب .. يوليوس قيصر )
طبعاً أنا مش متخصص لكن مُهتم جداً بمجال المرض النفسي والإنثربولوجي عموماً
مشكلتك تنقسم لمحور واحد انت محددة
* صدمة نفسية جراء تعلق نفسي بصديقك اللي توفى في حادث
وطبعاً دي من شأنها التأثير علي حاجات كتير أولهم
* مجال إدراكك للواقع *
: في رأيي الشخصي إن لما حصلت الحادثه دى قدامك عقلك مستحملش الواقع اللي بيتمثل في موت صديقك ( ربنا يرحمه ) والمتمثل في المشهد المؤلم اللي انت شوفته .. وبالتالي حصل عندك نوع من رفض الرؤية الكاملة للواقع ( اللي تعبك ) فبلا وعي بيتجه العقل لحالة من رفض الواقع ( ودي ممكن تحصل بكذا طريقة ) وعندك ات اتمثلت بهلاوس بصرية انت حكيت شكل من أشكال أعراضها عليك .. لكن المشكلة في الموضوع إن الأمر متعلقش بوجه واحد او بأحداث واحدة الأمر اتعلق بكل الحاجات اللي كان بيشاركك فيها صديقك فبقيت بترفض الرؤية الواقعية لمعظم الحاجات بردو ودي نتيجة طبيعية للي حصل ( وضحتلك ده في الأول )
دي نظرة للمشكلة بشكل أوضح ومحتاجين نظرة للحل
في الغالب مقدرش من خلال قراءة المشكلة أحدد مشكلتك بشكل كامل
لذلك فانا وانت هنشترك في الحل
طريقة الورقة والقلم مش بطالة .. طريقة رائعة بيسميها الأطباء النفسيين "
القلم الحر " - "
Free Pen "
والطريقة واضح انك فهمتها غلط انت بتكتب بوعى يعني بتجسد مشاعرك فعلاً .. الاستراتيجية دى مش كدا ابداً
الاستراتيجية عبارة عن انك تسيب القلم في ايدك وتكتب في اي جزء من الورقة واي فكرة تورد عليك لغاية ما تحس ان حصل عندك نضوب في الأفكار (
طبعاً مش هيبقي نضوب أفكار هيقي إعياء عقلي ) وساعتها لما هيحصل النضوب ده او الإعياء ده زي ما قولتلك هيبدأ العقل يكره الحالة .. هيبدأ يكره المسبب للاستراتيجية (
ممكن يكره الحادثه وتذكرها والدكتور النفسي معاهم كمان ومش بعيد انا كمان 
) لإن الإنسان بطبيعته مبيحبش الألم .. وبالتالي يبقي انت بتلاعب الألم النفسي .. حاول تفرغ طاقتك كذا يوم ورا بعض وإن شاء الله هتجيب فايدة معاك جدااااااااا ده حل
الحال التاني انك تفهم المشكلة كويس جداً ومتحاولش ترددها بينك وبين نفسك .. ولو حصل انك بالغت في حاجة وانت بتحكي (
وده بيحصل بدون وعى ) متكررهاش تاني عشان ميتفاقمش الوضع معاك
تحت امرك انا في أي وقت ياسعادة الباشا
