[مستر/ عصام الجاويش]

المشاركة الأصلية كتبت بواسطة Mr. ABDELHADY

عندنا في المنصورة لو طالب حالل الاختياري مرتين بيصححوا الأولى بس و ميبصوش للثانية .
السنة دي الوزير عاطي تعليمات بتصحيح الأسئلة المكررة .هيبقى إيه النظام ؟؟؟؟؟

قطاع المنصوره
ارجوكم ارحموا الطلبه وخليكوا فى صفهم
بتنقصوا درجات بدون داعى حرام حرام حرام اللى بيحصل ده
انتوا القطاع الوحيد اللى بيحاسب على اخطاء الجرامر عند تصحيح القصه مفيش قطاع بيعمل كده غيركم
انتوا القطاع الوحيد اللى بينقص درجات على جمله rewrite عاوز كلمه بادئه بحرف small الطالب بدأ بها والمعنى واحد
تنقصوه نصف درجه ليه؟ ليه مجهود الطالب يضيع
الطالب فى قطاع المنصوره بيقل خمس درجات عن الطالب فى قطاع القاهره وهو عامل نفس الحل
ليه؟ عشان مصححيين قطاع القاهره فى صف الطالب
راعوا الطلبه ياجماعه اللى عنده ابن او بنت فى ثانويه عامه بيدعى على اى مدرس بيظلم ابنه او بنته
وانا منى واحد بنتى اتظلمت على يد مدرسين علم النفس فى قطاع المنصوره حسبى الله ونعم الوكيل
زميلتها فى سنه تالته اللى كاتبه نفس الحل بالظبط جابت اكتر منها ب 15 درجه وكل الطلبه فى قطاع المنصوره اتظلموا فى علم النفس
وعشان التعسف فى التصحيح مش بنلاقى اوائل فى القطاع بتاعكم
ياريت تراجعوا نفسكم لازم يكون فى مساواه فى التصحيح فى جميع القطاعات