[روءة فوزى]

المشاركة الأصلية كتبت بواسطة شهدالجنة

بسم الله الرحمن الرحيم



فاكره نفسك ازاي كنت؟؟وكنت بتحبي ايه؟؟
كنت شقية اوى وبحب اضرب العيال
طيب اولا وبصراحه
هل كنتي طفله مرتبه؟؟
مرتبة ايه بس ليه الاحراج
مهتميه بنفسك؟؟
ماما كانت مهمتة بيا جدا ودايما بتخلينى في اجمل صورة وبعد خمس دقايق كانت بتلاقي صورة تانية خالص
هل كنتي من ذوات التوك والضفيره والديل حصان؟؟؟

ام

مش بتحبي المشط ولا شكله ؟؟وكنتي بتكسري سنانه ؟؟علشان متتسرحيش

ويمسك في شعرك وتصرخي باعلي صوتك

اه اه اه اه ياااااااااااااااااااااشعري(انا عاوزه شعري حرمت خلاص)لا ديه بس حته من فيلم الحرمان بتاع فيروز
كنت بقص شعرى واعملة زى الولاد
بس دلوقتى الحمد لله بقى شعر بنات

لبسك ازاي بناطيل بقا وعامله فيها الولد واستنناني بره وانا اوريك

ولا فساتين وجيب
كان لبسى كله بناطيل ( قولتلك كنت عايشة في دور الولد)
طيب فاكره اول لعبه جات ليكي ايه؟؟؟

بسكيلته!!!!عروووسه!!!طياره!!!مكعبات
يااااااااه
فكرتينى بالذي مضي
كانت عروسة جميلة اوى واتكسرت في نفس اليوم الحمد لله

كنتي بتحبي تلعبي ايه بالضبظ

من الالعاب الجماعيه انتي واصحابك

اصحاب ايه بقى كنت بضربهم
ومش بلاقي حد العب معاه غير اخواتى
كنتي بتحبي تأخدي ايه المدرسه؟؟؟
جبن..........لحوم.........اكلات شعبيه (فووووووووول حبيب الكل +طعميه)...بيض(انتم عارفين مكنتش بحب اخده المدرسه علشان الريحه)متقولوش لماما

برتقال ويوسفي وخياروتفاح وموز
ولا مالكيش فيهم وبتتكسفي

ماما كانت معايا في المدرسة وكان عليها السندوتشات
طيب اصحابك بقا اللي في المدرسه

فكره اول صديق ليكي في الفصل

موقف حصل بينكم؟؟

الابله او... الميس... والمستر.... الاستاذ
تقريبا كان كل المدرسين عارفنى (دلوعة ماما بقي ومعاها في المدرسة كل يوم)

اخبارهم ايه
واخبار الواجب وعمايله

ولا المذاكره؟
والله كنت بحب المذاكرة جدا وكمان كنت شطورة بس دلوقتى
هانت كلها ايام واخلص منها

ياااخبر

الفسح بقا

كنتي بتروووحي فين تتفسحي
كنت بروح اي مكان بس اتفسح وخلاص
وكان عقابي ( مفيش فسح )

بس والله دلوقتى الحال اتغير 180 درجة وبقيت بنوتة هادية وطيبة ومش بضرب حد