[Free angel]

المشاركة الأصلية كتبت بواسطة أسيل رزق

شوفى انتى قدراتك إيه .. هتقدرى على الاتنين مع بعض ولا لأ

و طالما هتذاكرى و تهتمى بالمادتين إن شاء الله مفيش صعوبة هتقابلك
ان شاء الله
سمعت إن الأحياء كبيرة شوية بس مادرستهاش علشان كده مقدرش أجاوبك
على رأى المثل : إسأل مجرب و ماتسألش أسيل

ربنا يوفقك يا رب .. و إن شاء الله حد ذو خبرة هيرد عليكى

ميرسى لرأيك يا اسيل

المشاركة الأصلية كتبت بواسطة dr.ahmed91

بصي يا دكتورة (إن شاء الله )
يسمع منك ربنا
دعواتك معانا

الكيمياء في التانية أفضل من الأحياء وده يعني من واقع خبرتي معايا وأصحابي
عشان 3 اسباب:

اول سبب: معنى انك اخدتي احياء في تانية يبقى حصرتي نفسك في اختيارين يا إما علمي علوم او لاقدر الله ادبي (لاقدر الله عشان انتي مش عاوزة كده مش عشان ادبي وحش )
وده معناه برضه انك مطالبة تجيبي في تانية فوق ال97 عشان تبقي في مرحلة الامان في تالته لو استمريت على نفس المستوى
تحت ال97 دخلنا مرحلة قلق ومعظم اللي كانوا كده معرفوش يزيدوا في تالته
انما لو اخدتي كيمياء وجبتي مثلا في حدود 94 او 95 قدامك هندسة وحاسبات وفنون جميلة وكده
وفرص قدامك
انما احياء خلاص حصرتي نفسك يا اما علمي علوم او احول ادبي لو حصل حاجة وحشة

تاني سبب: الكيميا اسهل نسبيا من الاحياء (رغم اني جايب 49 ونص احياء و49 كيميا)
اسهل نسبيا يعني اسهل بالنسبة لطالب تانية اللي لسه داخل مرحلة جديدة بيتعامل مع وضع صعب يمكن ميعرفش يتأقلم معاه فالمدرسين بتوعاها بيراعوا ده وبيساعدوا الطلبة على كده انما مدرس الاحياء عارف انه مع طالب خبرة وشاطر وجايب قد كده في تانية
فعلا عندك حق
فبيبقى الاسهل كيميا طبعا حتعرفي تتأقلمي معاه ومش حتحسي بصعوبتها وساعات يعني الاحياء بتيجي على مواد تانية فتلاقي 50 احياء ( ياااارب )وباقي المواد درجات زفت ( ان شاء الله مفيش زفت)

تالت سبب: انك تمشي مع المعظم...يعني معظم الطلبة بتاخد احياء في تالته وكيمياء في تانية...كلهم نفس ظروف الامتحان والتصحيح والدرجات والتنسيق بعد كده انما قلبتي مثلا...مين عارف ييجي امتحان احياء صعب في تانية والكيمياء سهل والنسة اللي بعدها يقلبوا يبقى اخدتي الامتحانين الصعبين و زمايلك امتحانين سهلين ويمكن العكس

من واقع خبرتي واللي شوفته خلال سنتين كان معايا 6 صحابي عملوا كده زيك 1 في صيدلة و2 في علوم و2 بيطري وواحد قطع ورقة الاحصاء وبيعيدها لوحدها السنادي
ربنا يوفقه
يعني ال6 معملوش اللي كان نفسهم فيه
في حين السنادي عندي زميل في تالته جاب في تانية 98 ( عقبالى يارب )وشغال كيميا السنادي كويس وربنا معاه( يااارب)

ملخص كلامي::: خليكي ماشية زي الناس ومتحاوليش تمشي في خط تاني عشان اللي يجرى عليهم يجرى عليكي ومش حتفرق كيميا مع فيزياء ولا احياء مع فيزيا كحجم وترتييب وكده لانم ممكن تستهتري بالكيمياء في تالته وتهتمي بالفيزياء فتضيع الكيمياء
و مجرد تفكيرك في انك تاخدي احياء في تانية كده معناه انك شاطرة وبتذاكري و حتعرفي تنظمي نفسك كويس
و تجيبي مجموع كبير في تانية وتدخلي تالتة تحافظي على مجموعك
ان شاء الله
انا جبت السنة دى 286.5من 300
هى مش حلوة يعنى بس طبعا مفيش حد بيهتم باولى
والحمد لله طبعا يعنى

ده كان ببساطة رأي شخصي ليا و طبعا الرأي الاخير ليكي ولأسرتك و استخيري ربنا
وربنا يوفقك ان شاء الله
ويوفقك ياارب

ميرسى جداااااااا على رأيك وهو مقنع جداااااااااا
وشكرا لاهتمامك وربنا يوفقك وتجيب تقديرات عالية