[أسيل رزق]

عرفتك يا قطة
بصى انتى عيبك مش عارفة انتى عايزة إيه
مش عارفة هدفك إيه .. متسرعة و بتتوجهى بكلام الناس أكتر
بالنسبة للخسارة أنا قلتلك قبل كده لو الخسارة جت منهم يعنى هما اللى سابوكى يبقى مع ألف سلامة
لكن لو انتى اللى غلطانة بقى فلازم توضحى موقفك و اتعودى لما تاخدى قرار ماتقوليهوش قدام الناس مرة واحدة لازم تفكرى فيه قبل ما تنشريه .. لو فكرتى فى قرارك لحظات أكيد هتعرفى إذا كان صح أو غلط
و خسارة الناس مش سهلة وفى نفس الوقت طالما بتخسرى ناس كتير يبقى فيكى عيب مش قادرة تصلحيه أو مش عرفاه أصلاً و العيب اللى فيكى غالباً الثقة بالنفس أو التردد أو التسرع .. أو كلهم مع بعض

بسام بقى ماعندهوش غالى .. و بصراحة على ما قد ما أنا بضايق منه فى الحتة دى بس فعلاً ساعات بحس إنه صح و إن خسارة الناس عنده مش نهاية الدنيا زى ما هو بيقول أكيد هيلاقى ناس تانية و تالتة و رابعة ...

الدنيا مش بتقف عند حد

ماتشغليش بالك انتى و عيشى حياتك عادى وماتزعليش على اللى بيروح منك بس لازم تفكرى هما بيروحوا ليه؟؟ مش تفكرى أعمل إيه علشان أرجعهم لو فكرتى فى هما بيروحوا ليه هتقدرى تصلحى عيبك