بسم الله الرحمن الرحيم
جينا تاني ودبسنا المرادي اسيل
يلا يامها زي شكت الدبوس بس
نبدأ
1_ الا قوللي اسيل رزق ده يعني ايه 
انتى قديمة أوى 
.. الخدود الناعمة
2_ ايه الفرق اللي في اسيل مش موجود في مها والفرق اللي في مها مش في اسيل ؟
ههههه .. أسيل مفترية شوية عن مها و مها طيبة عن أسيل بس الاتنين دلوقتى تقريباً شبه بعض
3_ايه اكتر حاجه حصلت في المنتدي هنا عمرك متنسيباها ابدا ؟
ههههه .. حاجات كتير لكن أول ما قريت السؤال إفتكرت حاجة معينة كانت حرب خسرت فيها ناس كتير و بس
4_ مها حزينه امته سعيده امته متشأمه امته ؟
حزينة تقريباً معظم الوقت بس بخبى
سعيدة لما أكون عايزة أعمل حاجة و تحصل زى ما أنا عايزة خصوصاً لو متعلقة بأصحابى
متشائمة ناس بيقولولى الكلمة دى بس أنا بعتبرها واقعية ماوصلتش لسه للتشاؤم
5_ مها قلبها اسود ولا بعيد عنك ابيض ؟
هو بعيد عنى أبيض بس اليومين دول بقيت بشيل من ناس كتير تقدرى تقولى هو رمادى 
6_ ايه رايك في الخيانه الصداقه المستقبل الخوف ؟
الخيانة لو من عدو ماتبقاش خيانة لكن لو من صديق بعتبرها خنجر فى القلب
الصداقة شىء نادر جداً و يمكن إنقرض .. بقالى كتير ماشفتش حد من حبه لصديقه يضحى بنفسه علشانه مش إنتحار يعنى بس مشفتش حب وصل للتضحية .. كله مصالح
المستقبل كيان الانسان لو ضاع ضاع الانسان و لازم يكون بحساب
الخوف شىء صعب جداً لو مس الانسان ممكن يخليه يضيع كل حياته بسببه
7_ امتي مها تقول كفايه تعبت ؟
ههههه .. دلوقتى .. لو قعدت فى المنتجع أكتر من كده
8_امتي مها مش ترضي عن نفسها ؟
طول الوقت مش راضية عن نفسى .. أخطائى كتير .. ربنا يهدينى
9_ مين تقولليه عمري مقدر انساك في المنتدي ؟
عمرى ما هنسى أى حد عرفته فى المنتدى .. مش حباً فى الكل بس أكيد هفتكر الحلو و الوحش 
10_ الحياه ف النت بتمثلك ايه ؟
دنيا تانية أصحاب و تعليم و معرفة حاجات كتير أوى
11_ايه هي المجالات او الاهداف او المبادي اللي انت ماشيه بيها في حياتك ؟
دا عايز موضوع لواحده
ممكن ابقي اجي تاني عليكي
اشقر عليكي بكام سؤال
ع فكره هما يومين بس
يعني حد واتنين
وتترحمي منا