[Golden Eagle]

المشاركة الأصلية كتبت بواسطة محمد.فوكس

شوفتو يا جماعة اللي حصل؟
ما تفكرنيش
يعني البرزيل حطتنا في وضع اننا حتى لو خسرنا اتنين صفر نتأهل... و احنا ولا الهوى.
قلنا ماتفكرنيش
بصراحة احنا منظرنا بقى زبالة.
و العالم كله زي ما طلعنا السما هيهبدنا في الارض و ده منطقي.
ما خلاص بقي
ايه اللي حصل .. طبعا الاصابات اثرت علينا... و التشكيلة اعتقد كانت غلط.
غلط جدا ً
تلعب احمد فتحي مش في مكانه و تحط لاعب في مستوى سيء زي المحمدي(انا آسف يا محمدي).
آآآآآآآآآه المحمدي
اللي كل أوت يقعد فيه تلت ساعه بيدور
و مش عارف كام كوره يستلمها غلط
و متلعبش حمص ..؟
المفروض حمص كان أول واحد يشارك خصوصا ً بعد الجون اللي جابه ف إيطاليا هايديله دفعه معنويه فظيعه و هو أصلا ً لعيب كويس كنت هاتشوف أسد ف الملعب
و الاكتر من كده تلات تغييرات غلط .. بدل ما ترجع احمد فتحي مكانه و تطلع المحمدي بسبب سوء مستواه و تنزل واحد في النص و هو وجود (حمص).؟
تنزل احمد حسن بدل احمد عيد اللي كان عامل اللي عليه.؟
المفروض عيد ما كانش طلع
و متغيرش عبد الغني الا عشان الاصابة مع انه كان مضيع فرص و بيلعب وحش.؟
كان بيلعب زي الزفت
و غير كده ازاي تخلص تلات تغييرات و انت حارس مرماك مصاب و ممكن في اي لحظة ميقدرش يكمل؟
دي غلطه جديده
و اهم حاجة ... مش لو كنت خدت احمد حسام (ميدو).. و رميت المشاكل الشخصية على جنب ... مش كان هيبقى عندك مهاجم من احسن مهاجمين في تاريخ مصر ... واحد محترف من اكتر من 8 سنين و عمره قد عمر زيدان يعني لسه شاب و انت عندك نقص في المهاجمين.
صح و الله
________________________
نيجي بقى للقضية الكبيرة و الصعبة و اللي اتمنى انها تكون افتراء و اكيد كلكوا عارفينها.
و هي نشر صحف اجنبية انباء عن اصطحاب بعض لاعبي المنتخب المصري لفتيات ليل بعد الفوز على ايطاليا في غرفهم بالفندق و انه هو السبب للسرقة اللتي تعرضوا لها و ايضا سبب للهزيمة الصعبة و اللثقيلة التي تعرض لها امام الولايات المتحدة.
الاعلامي عمرو اديب كان اول من يفجر هذا الموضوع .. بأن احضر معه نسخة من الجريدة من الانترنت و ايضا بيان للشرطة في جنوب افريقيا.
و قام كل من الكابتن محمد زيدان و الكابتن احمد حسن و الكابتن حسن شحاته بمداخلة في البرنامج مع عمرو اديب .. و نفوا كل هذه الاخبار... كما حدثت مشادة كلامية من قبل الكابتن حسن شحاته وصلت الى قوله .."اللاعيبة دول اشرف منكوا ... طز فيكوا .. احنا هنبطل كورة الله يخربيوتكوا قرفتونا".
و قام ايضا عدد من الشخصيات بالمداخلة كالاعلامي عماد الدين اديب .. و المطرب هاني شاكر .. و اخرين.
و دافع الاعلامي عمرو اديب عن نشره للخبر بأنه مجرد ناقل للخبر و ان المسئولية على من نشر الخبر اي الصحف الاجنبية و المواقع الاليكترونية.

• و السؤال هنا .. يا ترى ايه مستقبل المتخب بعد اليوم العصيب ده ؟

هما عايزين يشوهوا الصوره بأي شكل كان
ما يعرفوش إننا غيرهم
و هو أي حد ف بلد غريبه يعرف يجيب بنات ليل بالسهوله دي ؟؟؟
و بنات الليل ليه ما ظهروش قبل ماتش البرازيل مع إن العالم كله كان متوقع خسارة مصر و الموضوع ما كانش هايتكشف
الأداء كان سئ من وجهة نظري علشان المجهود ف المباريات اللي فاتت
إيطاليا و البرازيل إستنزفوا كتير م المجهود و الدليل هو الاصابات اللي كانت قبل الماتش و اللي إتغير ف الماتش بسبب الاصابه
و الله خساره
و بعدين ما فيش غير أمريكا اللي تكسبنا ؟؟؟
يعني نكسب ايطاليا و نشيب البرازيل و نشيل من أمريكا
بس بصراحه علشان ما نبقاش ناكرين للجميل المنتخب أدي
و لولا ظروف التعب للاعيبتنا أكيد النتيجه ما كانتش هاتبقي كده
و لياقة بتوع أمريكا كانت عاليه قوي
و مش لما الفريق يعمل الانجازات دي نعلقله المشنقه أول ما يأدي وحش
ع الرغم إني كنت مستني الماتش م الساعه 2
بس برضو