والنبي ياجماعة محدش يرجع في كلامه ويئلئ كدة ويخلا بينا خليكوا رجاله وكملوا اللي ابتاديتوه
حتي انتوا هتخلوا بينا ينهار ابيض الدنيا بقي فيها ايه ده الواحد قرب خلاص يخش طريق الانتحار
والله انا بفكر فيه حاليا اصل هبكي علي ايه طول عمري كنت باني مستقبلي علي كلية الهندسة او اي كلية حلوة تانية كنت مستحمل كل حاجة وحشة في حياتي كنت منبوذ كنت غلبان مع ان شخصيتي غير كدة خالص كنا فقرا استحملت حاجات كتير مش هينفع اقولها وجاي مستقبلي يضيع وطموحي وطموح اهلي اللي ظلموني يوم ما جابوني في البلد ديه وكل حاجة في حياتي اتدمرت عشان الحراميه عاوزين يطلعوا فلوس من الكليات الخاصة طيب ياريت في كلية خاصة تقبلنا والله ديه حتي هيسرقونا فيها وينصبوا علينا فيها
البلد ديه واللي انا مفخرش انها بلدي ممسوكه بشوية سو و نور وحرامية ولبط وكفاية كدة عشان مطردش من المنتدي
علي العموم احب اعرف السادة السؤلين انهم قدروا فعلا ينفذوا خطهم في تدمير شباب البلد وتضييع مستقبلهم
|