ههههههههههههههه
انا مبحبش ارد ردود ملهاش لزمه
او من غير فايده
بس بما ان الموضوع فيه ردود كتيره مش مهمة
فاخد استثناء
مين اللي قال غير كدا
اكيد كان فيه اعتقالات وكبت ف عهد السادات
صحيح مش بنفس الصوره اللي فعهد عبد الناصر بس كانت موجوده
واكيد كانت فيه اخطاء
بس اهم انجازاته حرب اكتوبر
فمينفعش بكل تحيز نخليه انجاز لشخص تاني
ما احنا قولنا يابسام جزء من حرب إكتوبر يعني نهينا الحوار ده
اكيد زي ما انت قلت بدايه الخطه كانت ف عهد عبد الناصر دا شئ اكيد
بس ممكن اقولها تاني
الخطه النهائية كانت ف عهد السادات
يعني زي نظام وضع الامتحانات ف الكليات
كل دكتور بيحط اسئله ف الجزء اللي شرحه
رئيس القسم بيشوف الاسئله المناسبه وبيختارها
اي خطه او اي حاجه فالدنيا لازم يكون ليها اساس او شئ ابتدت منه
بس
انا حاسس اني خرجت اوي عن الموضوع
استحمل اشمعني انا
ع ما اظن يا اسلام
قرار الحرب نفسه مشملش اكتر من كدا
القرار كان تحريك الوضع ف سينا
واقامه جسور ع قناة السويس
والوصول لمنطقة البحيرات المره ع بعد 12 او 15 كيلو زي ما بتقول
الغرض ببساطه لما مصر تتفاوض ع السلام تتفاوض من موقع قوه
لانه كان عارف صعوبة انه يحارب اسرائيل ف حرب طويله المدي ومن وراها طبعا الولايات المتحده
وبعدين لازم نفكر ف النتايج
احنا حققنا اللي احنا عايزينه
الي حد ما
لو الحرب كانت استمرت كانت من وجهة نظرك ايه الخساير المتوقعه سواء اقتصادية ودي الاقل اهمية
او بشرية ودا الاكتر اهمية