[The_Relativistic200]

ياعم صلاح خلاص متزقش كده :D
والله يا باشا ان مشفتكش ( معلش النضارة بتتصلح عند الراجل مع انى مش بلبسها)
واكيد يعنى كنت متخفى او لابس طاقية الاخفاء( متعقد من العربى معلش)
ويا عم انت بتقول انا زهقت اتكلم ولا لأ
اتكلم وامرى لله

واولاانت بتقوللى متحكمش على الغلطان
والصراحة محدش غلطان
لان الكل بيحاول يقنع التانى بوجهة نظره
كان الموضوع فريقين

طارق ::::::::::: صاحب الموضوع( بهديله تحية خاصة بجد والله)
ومعارضين ابرزهم شاعر الحب ورحمة( مش اسمك رحمة برضو )
طبعا ده فى اول الموضوع ناس كتيييييييييييييييييييييييييييييييييييييييييرة دخلت
وبلاش نتكلم عنهم
بس الواحد لاحظ ان يا اما الواحد ظابط طبق الدش اللى فى نافوخه
على الكلمة ويشوف (اممممم آآآآآآآآآآآه)
وبعدين
ايه ده
دى طلعت شتيمة
يعنى لو قلت لواحد ( ازيك يا باشا) هيقوللك ( باشا ايه شايفنى لابس طربوش )

ومش هتكلم اكتر من كده

آآآآآخرك يا بارد

بص يا سيدى عم طارق عايز قناة حيادية
مش فاهم يعنى ايه حيادية
وبصراحة لقيت رد للاخ كريم الغد قال دريم 2( وانا بايده فى دى)
وقال المحور( قناة متخلفة شكلا وموضوعا الا البرنامج بتاع المسلمون يتساءلون)
والتلفيزيون المصرى الغنى عن التعريف(ده اس تربيع الفساد) وكفاية النيل للمنوعات

انا فاهمه (دى هاء مش تاء مربوطة انا عارفكوا)
بس المشكلة انى انا اصلا كده مش بحب الاغانى
مش كييف بمعنى اصح
بس لما يبقى فيه اغنية مثلا شغالة لقيتها كويسة
ادينى سمعتها وخلاص وممكن اللحن يعلق فى دماغى بس مش لدرجة اجيب ووكمان
وشغال عليها طول النهار

وعلى فكرة يا طارق لو انت بتحب الاغانى للدرجة المميتة( يا ريت تحدد علاقتك بالاغانى بالظبط عشل\ان الرد يبقى واضح)
يعنى مثلا مبتصبرش على الشريط لما ينزل السوق وتروح جايبه من على النت

فده اولا واخيرا مش مثلا حاجة فيك ولا حاجة
انما هو من اصحابك اللى انت ماشى معاهم
ومن الاخر مينفعش يبقى فيه قناة محايدة
يعنى مثلا لو جبت فيلم زى عمارة يعقوبيان كده
على الرغم من الحاجات الزبالة اللى فيه
تقدر تقوللى لو كنت شفته ( انا باضرب مثال بس يا جماعة)
هل فكرة اظهار المساوئ عشان نعالجها هى اللى هتعلم فى دماغك
ولا قضيية الشذوذ هى اللى هتعلم فى دماغك مثلا
اهو كده القناة المحايدة
الاغنية هى اللى هتعلم فى دماغك
ولو جابولك رصة شيوخ بعديها هتقفل التلفيزيون
او هتسمع ومش هتلاقى لها لزمة بالنسبة لك
لان الموضوع مش فى دماغك اصلا
ده ردى عليك يا طارق( آآآآدى دقنى لو حد قراااااااه :D )ويا ريت تحدد مشكلتك بالظبط
لانك ببساطة عرضت الموضوع غلط
-------------------------------------------------------------------------------------------------------
اماالفئة الاخرى
هى خدت الموضوع من الجانب الدينى (وده الصح يعنى)
لكن كمشكلة لازم الواحد يبقى محايد
مش يتص الكام حديث والكام آيه وخلاص
مااحنا عارفينهم
هى المشكلة كانت فى طريقة العرض
ده حتى اول رد شاعر الحب وطارق على بعض
كان يعنى كأن فيه حد غلط فى التانى

والمهم برضو
الاغانى حرام اصلا على بلاطه كده وانتو عارفين الاحاديث اكتر منى
ويبقى الموضوع انتهى

بس المشكلة مثلا ان واحد بيحبها اوى لازم يبطلها بالتدريج( مش عارف الطالب المجتهد تقريبا هو اللى
قالها)
يبقى نتكلم ازاى نبطلها بالتدريج
وننسى حكاية الحياد وخريطة الطريق دى

وبس كده
انا حاسس ان لسه فيه حاجة عايز اكتبها
بس خلاص لما افتكرها ابقى اقول

والسلام عليكم ورحمة الله وبركاته
(تصفيق حاد :D )

ولنا عودة بعد الفاصل

وانا اكتشفت حاجة غريبة طول فترتى بالمنتدى
(ان الموضوع الساخن بيبرد على ايديا ومش بلاقى اى رد بعدىوده عن تجربة يعنى اطّمّنوا
واملى ان يتحقق عشان الجهاز هيولع شكله كده)