اقتباس:
المشاركة الأصلية كتبت بواسطة لمى 2016
واضح ان حضرتك عندك مشكلة مع حد اسمه رامز رمزى رمزية اى حاجة يعنى
ليها علاقة بالرمز
ليه بقى
لان حضرتك فى موضوعك قولتلى ان اقرا شوية فى الادب و احاول افهم معنى الترميز
و هنا بردوا بتطلب نفس الطلب
لاء و ايه
بتقول ان حضرتك تبشرنى بلا ادراك
على اساس ان حضرتك مسئول الادراك فى السايت هنا 
ملحوظة كلبوظة يا مستر احمد بس دى للزمن مش لحضرتك يعنى
لو حضرتك شايف انك ذكى انا بقول لو لو عشان مش تقولى مين قالك انى شايف نفسى ذكى
المهم يعنى ذكاءك ده لازم يخليك تحترم الاخرين و قدر ذكائهم حتى لو كان نمنم
مش كده و لا ايش؟ بس اوعدك حاضر
هابقى اشوف موضوع الترميز ده
|
ههههههههههههههههه
سبحان الله
هوا اي حاجة مش نفهمها
تبقي غلط في الناس او عدم إحترام ؟
ياأخت لمى انا قولت بالنص
اقتباس:
|
اللي هيبص للموضوع من الوهلة الأولي ولا هيفهم ولا هيستفاد وأبشره بلا إدراك
|
اللي هيبص
اللي هيبص للموضوع من الوهلة ( النظرة ) الأولي مش هيفهم ولا هيستفاد وابشرة بلا إدراك ( للإسطورة او للموضوع ) إيجاز بالحذف
مش انه مجنون او مخه تعبان لا سمح الله
ده بالنسبة للبداية
ثانيا : إيه علاقة الذكاء بموضوعنا دلوقتي ؟
ولا ايه لزمة لجوئك لتحليل شخصيتي يعني
غبي ذكي أفتكر ميضركيش كتير ياأخت لمى
ياريت منخرجش عن الموضوع ونتكلم في إطار معرفتنا
كان فيه قصة قصيرة موضوعها بيحكي عن شوية بني آدمين
اتخلقوا دماغهم متقيدة وايديهم متقيدة
وعينيهم بتبص علي حائط واحد
ووراهم نار بتصورلهم خيالات علي الحيطه
يعني تعدي ذرة تراب يشوفوها طياره .. تطير ناموسه يفتكروها طائر خارق
لغاية ما نجحوا انهم يفكوا نفسهم ويشوفوا العالم علي حقيقته
دي نظرية ( كهف أفلاطون )
لو بصينا ليها من
الوهلة (النظرة) الأولي
هنقول ان أفلاطون وأنا ناس فاضية في الغالب
بالرغم من انها تحمل حكمة بالغة الإتقان
ده الترميز بقي
شكرا ً لإسلوبك الراقي في الرد أخت لمى
وحجم السخرية في محتواه
اقتباس:
|
" نصيحة للزمن مش لحضرتك يعني "
" لو شايف نفسك ذكى "
" عندك مشكلة مع حد اسمه رمزى رمزية رامز "
|
بجد ميرسي جداً
وأسف جداً يا دوكتور ولاء إني رديت لكن الحكاية كان لازملها توضيح
