[COoL HEaRT]

الموضوع حلو اوي يا سوو زي ماكنت متوقعه بالظبط

طب كويس كنت حسيت انه طول منى اوى

شوفي ياستي
اولا لو هنتكلم عن الاصوليين اللي بياخدو الدين بالشكل وعندهم جمود ف التفكير
دول ناس مش كويسين وعيب وكل حاجة
بس فعلا لازم مع المضمون يكون في شكل
يعني الرسول قال ع النقاب و ع اللحيه واجب
هنقول الزمن اتغير ومش لازم ناخد كل حاجة من غير مانفكر
طيب ايه اللي اتغير يخلينا مش ننتقب
بالعكس احنا ف زمن الفتنه
يعني مش كل اما نلاقي حد ملتحي او واحده منتقبه
نقول ايه ده اصولي

مش الفكره يا ايمان انا مش بقول ع المنقبه او الملتحى اصولى
بس مينفعش اقول ان اللى مش كده هيروح النار
الموضوع خاضع للقيل والقال وخاصه فى موضوع النقاب
لانه مش فرض
بس المشكله فى الاصولى ان جامد انا مش منقبه
يبقى معناها خلاص انى هتحدف فى جهنم الموضوع منتهى
وطبعا مسأله دخول الجنه والنار مش بايد حد غير ربنا

كنتى بتقولى زمننا بيفرض علينا نلبسه ع اساس انه عصر الفتن
تعرفى ان انا شايفه ان النقاب او اللحيه مش مناسبين للواقع بتاعنا
وايه المشكله لو مرباش دقنه او هى مغطتش وشها
ايه الضرر ؟؟
الصراحه بقدرتى العقليه المحدوده مش شايفه ضرر
بالعكس
انا بدل مهتم بموضوع اللحيه والدقن
وانا واخده المثالين ع سبيل المثال لا الحصر
اهتم بالتنميه من ناحيه تانيه
الوضع بتاع الدول الاسلاميه بالمسلمين بحكامهم لا يسر عدو وحبيب
وفى نظر الغرب ان اى ملتحى متشدد

وهقلك ع حاجه جميله يا ايمان ياريت تردى عليها
من المعروف اوى ان المتشددين من اليهود بيربوا دقنهم
جيبى واحد مسلم وواحد يهودى والاتنين مربيين اللحيه اللى بنقول عليها
هل هتفرقى بينهم
صعبه
يبقى الموضوع مش لحيه ولا نقاب الموضوع اللى ورا اللحيه والنقاب
وكنت عاوزه اقول عشان منساش
ان احنا الزمن بتاعنا ده
انتى مش واثقه فى اللى انتى شيفاه
هتثقى ازاى فى اللى انتى مش شيفاه

بدام الواقع بتاعنا بيقتضى ان احنا نتخلى عن الجزء ده
مع العلم انه مش هيغير مننا حاجه
ولا هيقلل من دينا
يبقى مفيش مشكله

زى الصوره الرمزيه اللى انتى حطاها احنا مش مفرقين مين الكويس ومين الوحش مين المستخبى ومين اللى ع الحقيقه هاجى اقوله غطى وشك كمان

وزى مذكرت مثال لسيدنا عمر اللى مقطعش ايد السارق
فى وقت الدوله والنظام احتاج يه لكده
هى دى الليونه اللى بقلك عليها
مقلش الرسول قال كده يبقى خلاص

لا راعى ان الفتره دى السرقات هتزيد
فهل العقوبه دى هتنفع هل هيكون من الصح واللى بيستحسنه عقلى انى اعمل كده

لاء طبعا هما مطبقين جزء من الصح احنا مش قادريين نطبقه
حتى لو كان عندهم قصور ف نواحي تانية هما احسن مننا ف الحته دي
ولا فيها جمود ولا فيها تخلف ده اتباع للسنة ولا اللحية ولا النقاب هيضرونا ف حاجة

لا هيضرونا ده من رأيك انا شايفه غير كده
احنا نحاول نصلح ايمان الداخلى قبل منصلح الشكل الخارجى
وبالمناسبه احنا المنظر الصورى لينا متاخد عنه فكره وحشه جدا عند الغرب
احاول احسن من نفسي اثبت ان احسن وافضل
ساعتها الغرب هيتغير نظرته بعدها البس نقاب اعمل لحيه اعمل اللى اان عاوزه بعدها
بس مجيش احط العقده انا فى المنشار واقول لأ نقاب يعنى نقاب لحيه يعنى لحيه
ميفرقش بره بيبصولى ازاى
طبعا غلط لاننا محتاجنلهم واحنا اضعف منهم
وانى مش كيان نستقل لا فى مليون حاجه احطها فى دماغى

يعني لما نبقى احنا الاتنين بنعمل معصيه واحده هي اكيد عند ربنا احسن لو كان شكلها ده مش رياء

معلش انا مفهمتش انتى عاوزه ايه من النقطه دى؟؟

بس معلش ياياسو سؤال
يعني ايه الدين بتاعنا بيتميز بالمرونه
مش عاجباني الحته دي بجد
ممكن مرونه اننا نفهمه صح جدا
بس اننا نعمل بيه مرن دي غلط
ربنا قالك ده حرام وده حلال
هنمرنه احنا ازاي بقى

اعتقد الجزء ده وضحته فى اول ردى عليكى لو فى حاجه مش واضحه من نقطه المرونه دى قوليلى

عادي ممكن نغلط ونقصر
بس ف نفس الوقت نعترف اننا مقصرين
وندعي ان يجي يوم وربنا يهدينا
مش عشان اننا مش بنعمل الحاجة يبقى هو ده الصح

فهمتينى غلط فى النقطه دى
انا مقصدش انى اوافق ع الغلط
وانى اطبع الدين ع اللى بعمله بحيث انى احس ان اللى عملته عادى
فى ثوابت معروفه
والغلط معروف والصح معروف

والطبيعى ان كل انسان بيغلط مفيهاش جدال

بس بردو لو هنكبر شويه ونبص للجزء ده من فوق بزاويه تانيه
فكره الغلط نفسه ايه هو
وبعين مين ؟؟
هل بيعين صاحب الغلط ولا بعين الناس ولا بعين مين بالظبط
فى اخطاء مش بالمعنى المباشر للخطا
يعنى مبينطبقش عليها اللى قلته فوق من ان الصح صح والغلط غلط
لان فى الحاله دى مش هيبقى فى خلاف

بس فى اخطاء بتبقى فى نظر المجتمع بس وبتختلف من مجتمع للتانى

يعني المجمل
اني مش اكون مسلمة شكل بس ولا مضمون بس
اني احاول اوفق بين ده وده

ده مطلوب بردو بس اهتمامى ميكنش منصب ع الشكل
انى اسيب نفسي لو انا صح من جوايا ده هينعكس ع شكلى الخارجى

ولو مقدرتش
يبقى اعرف ان العيب من عندي
وادعي ربنا يهديني

ربنا يهديكى يختى

او ادور ع كلام عالم يقنعني ويريحني ان اللي بعمله ده هو الصح

مينفعش ادور ع حاجه تقنعنى انى صح فى وقت انا غلط فيه
ساعتها هبئا الملاك الطاهر اللى مش بيغلط
وده منطقيا مش ممكن
انا اقنع نفسي بان ربنا جميل غفور رحيم
وانى مهما عملت
فاكيد انا واثق فى رحمته
هعترف بغلطى وهصلح من نفسي
والناس مش لازم يعلقوا ليا حبال المشنقه
لان كلنا كنا ممكن نكون مكان الشخص ده

لكن مش ادعو الناس لللي بعمله
اقول ياملتحيين انا احسن منك انا مش اصولي وانتو اصوليين

اعتقد انى وضحت ان مش الاصولى هو صاحب اللحيه بس بردو فى اول الرد

ده قصدي
عارفه دخلت الموضوع لحته تاني غير اللي تقصديها بس معلش
احتمال يكون ليا عودة
استحمليني بقى

لا عادى يا ايما مانتى عارفه انى بحب كده مش ازمه
وياريت ترجعى تانى
احنا فاتحين اربعه وعشرين ساعه خلصت يابنتى
انتى شكلك مش مدركه