اقتباس:
|
السلام عليكم ورحمة الله وبركاته
|
وعليكم السلام ورحمه الله وبركاته
اقتباس:
|
بجد بشكرك يا ياسمين علي الموضوع الجميل
|
الشكر لله
والموضوع بيكون اجمل بالردود بتاعتكم
اقتباس:
بس للأسف كتير مش هيقبله لإن المُجتمع تقريبا زي ما بيقولوا في حالة " إكتمال التحول لمُجتمع كهنوتي "
يعني الناس الغلابة متحكمين فيهم شوية ناس ميعرفهوش في الدين غير انه تحجر وقسوة و1+1=2
|
اها
معاك يا احمد فى ان ناس كتير مش هتتقبل الموضوع
بس احنا مفروض نتكلم نتناقش ونحاول نفهم
وبالنسبه لفكره الناس الغلابه اللى الكبار بيتحكموا فيهم
كان دايما بيفكرنى بافلام الخيال العلمى
او الاسطوره بتاعه عازف الناى اللى بيعزف ع الناى بتاعه
واذ بكل حاجه اصبحت متيمه بيه بدون تفكير
السمك طلع من الميا وبدأ يمشي ورا كل حاجه
غمت عنيها ومشت مستسلمه لنغمه جميله
واكنت النهايه انه بعد متوقف عن العزف قتلوه
وهو ده اللى بيحصل احنا بنسمع كالام الكبير بدون تفكير
وكأننا مجموعه من الغنم مايين ورا الراعى
بيحاول يحمينا من ذئب وهمى
فى الوقت اللى هو كان الذئب فيه
وياريت اللى بيحصل فى مجتمعنا ينتهى بنفس النهايه اللى انتهت بيها الاسطوره
بس ده مش هيحصل الا بينا
انت عارف اكبر مثال ع كده ايه الجماعات الدينيه اللى موجوده
سلف اخوان و و و .....
وكأن ديننا محتاج انه يتقسم وانه كله يستقل بطريقه
انا مش ضد ان كل واحد يكنله طريقه يفكر بيها
بس الفكره فى الجماعات ان الشباب الضغير بيسلم دماغه
لحد يفكرله بيها وكأن دماغه شىء بيأجر
حقيقه مضحكه
بس الجزء ده ناتج عن فراغ واغتراب عقلى ودينى وسياسي
ماعلينا
اقتباس:
ومعندهومش القابلية أصلاً من إنهم يفهموا احاديث من أوتي مجامع الكلمة
معقولة من أوتي مجامع الكلمة يتكلم مع ناس بيفهموا من جانب واحد بس
|
بالظبط من جانب واحد
هى دى المرونه اللى احنا بنفتقدها يا ايمان
ان احنا مش عارفين نبص لحياتنا من زاويه ابعد نكبر دماغنا بحيث انها تقدر تستوعب اكتر
لان احنا فى الوقت اللى بيتقال فى الجمله الظريفه
العالم قريه صغيره
لو هفكر باتجاه واحد مش هفهم حاجه خالص مش هفهم الغير وهعقد نفسي
هود ه الاصولى اللى حياته ماشيه فى اتجاه واحد
بتفكرنى بحدوته صغنونه
انا وانا صغيره وزى اى طفل مصرى
كنت من مدمنى ركوب العجل
بس كان عندى مشكله
كنت بمشي فى اتجاه واحد ع طول
مش بعرف احود
وكانت مشكله بالنسبه للطفله كبيره ازاى هرجع البيت
سألت نفسي لما كبرت الغلط منين
لقيته فى انى متعلمتش ازاى احود
ازاى اكون مرنه فى تفكيرى ده المعنى اللى اقصده
معملتش غير انى الاول نزلت ولفيت العجله
وبعدين لقيت ان العمليه هتبقى صعبه
اضطريت ان اتعلم احود ازاى
ازاى اكون بالمرونه اللى تخلينى ارجع ادراج الوطن سالمه
حاجه اهى ولا الاساطير الاغريقيه
لا تقلى سيزيف ولا برومثيوس
اكيد فهمت انا اقصد ايه من الحدوته دى
من اسباب الاصوليه ان احنا متعلمناش ازاى منكنش كده
اتعلمنا التبعيه وترييح الدماغ
وبكده تكون التبعيه توافقت مع طابع الكسل اللى فينا
اقتباس:
وأكبر دليل علي فساد سؤالهم اللي هوا " هل قام الرسول بهذا التجديد "
فالسؤال فاسد منطقياً من الدرجة الأولي
والرسول كان محتاج يعمل تجديد ليه إذا كان التجديد ده في حد ذاته كان تجديد في وقته
:D
نفسي أفهم
يجدد في التجديد ؟ دُعابة اطفالية مُضحكة أوى
|
ههههههههه
لا عاجبنى الرد ده
يجدد فى التجديد
اقتباس:
|
--
بالنسبة للجزء اللي ذكرتيه عن سيدنا عمرو بن الخطاب
الشخص ده أنا بعشق عقله .. ربنا والله رزقنا بيه والله
حد بيفهم في الدين جداً .. أفكاره واسئلته كانت بتتناسب مع القرآن الكريم
تناسب عجيب وغريب
من الناس اللي فهمت الدين بجد ماشاء الله عليه
--
|
فعلا مفيش اختلاف ع عبقريه عمر بن الخطاب
اقتباس:
هههههههههههههههه اها يابنتي واللي كان بيهاجمني كان مُلحتي واتعرف بعد كدا من ناس كبار إنه خدع بنت
:D
انتي عرفاني مبحبش أفضح حد لكن تحذير المسلمين من الوثوق في أي واحد لمجرد وجود لحية جهاد في سبيل الله والله
ما علينا ما علينا
|
ههههههههه
ماعلينا
اقتباس:
نكمل
بصي من مصلحة الناس دي ان محدش يفهم القرآن ولا السنة صح ولا بشكل مختلف والله ياياسمين
فيه فئة منهم ممكن نعذرهم لانهم اتربوا علي كدا
وفيه فئة عايزة اللي يطلعهم قدام الناس من فئة " القابض علي الجمر "
|
ايون
فى جزء اتربى ع كده بس انا بردو مفهمتش سطرك االاخير
واضح ان الواحد بعد الثانويه دماغه باظت يا جدعان
المهم كنت عاوزه اقول حاجه فى الموضوع نفسه بس نسيت كويس انى افتكرت وانا برد عليك
وعشان احنا هنا بنتكلم عن اللى ماسكين
وفكره الرسول عن اولى الامر او الحكام والقاده
وايه الشروط اللى تتوافر فيهم
لو تفتكر ان الرسول لم يوافق على ان ابو ذر الغفارى يمسك الولايه لما طلبها من الرسول
الرسول جاوبه فى ادب بان الولايه مسئوليه كبيره وانه غير صالح ليها
ورفض الرسول مش لنقص فى اسلام ابى ذر
لكن لطبعه العصبى وسرعه انفعاله
وهو كان معروف عنه بانه ثائر ع الغنياء
وكان صاحب فكره اعاده توزيع الثروه اللى اتبانها ناس كتير من بعده زى صدام
واكنت سبب صغنن من اسباب حربه ع الكويت بعد السبب الرئيسى
بس عشان منبعدش
--
اقتباس:
نقطة بالنسبة للحية
انا في المواضيع اللي بيتخانقوا عليها دي صراحة
بختار اللي يستريح له قلبي
" وإن ضلوك استفت قلبك "
كمان لما باجي أبص للأحاديث
بلاقي إن الرسول كان بيذكر فيها
" خالفوا المشركين "
يعني لمجرد المُخالفة في الوقت ده
عشان المُسلمين يتميزوا عن الكفار في الوقت ده
ويقدروا يفرضوا نفسهم ككيان بهيئة معينة بنظام كامل
مش كحاجة ربنا يوديك النار عليها لو معملتهاش
|
بالظبط تمام اوى كده
وزى مقلت لايمان ان دلوقتى معدناش نقدر نفرق بين يهودى متعصب او مسلم ملتحى
فاللحيه مش الشىء اللى نفروض يشغل حيز كبير من تفكيرنا
اقتباس:
ومن الناس اللي دعي الرسول لمخالفتهم في العادات والتقاليد والشكل
اليهود والمجوس
تعالي بقي دوري كدا ع النت
تلاقي واحد يقولك في فتوى اللي بيشيلوا دقونهم دول مخنثيييييين ومثليين
:D
هههههههههههه لنا الله والله
|
ههههههههههه
يا عينى
مهو اللى من غير لحيه مثلى او لوطى
واللى من غير نقاب كافره تدعو للفسق والفجور
يبقى مين اللى اتبقى فى البلد
اقتباس:
أقسم ربي كنت بشوف حالات مُخجلة فعلاً وبدقن بردو
يعني مش شرط ابداً ياأصحاب العقول
انا بقي في القضايا دي هستفتِ قلبي
ولو فيه عدة علماء اتفقوا علي شئ ورؤية معينة
اكيد هما شايفين حاجة صح
وانا شوفتها صح
وفي الآخر نروح نتحاسب
محدش هياخد أكتر من حقه
ولا أقل من حقه
ربنا الكامل العادل
|
اقتباس:
--
بالنسبة لنقطة عدم التفكير
فدي زي ما قولتلك
من مصلحتهم اننا منفهمش
لان لو احنا فهمنا
كراسيهم هتتشال من تحتيهم
|
ايوه طبعا
فى الوقت ده سماسره التشدد الدينى العقيم والتفكير الرجعى المتخلف
بيطلعوا ع السطح ويروجوا لافكارهم المسومه
طلبا للسلطه مش اكتر ولاحتفاظهم باماكنهم ولاهداف ومصالح شخصيه بحته
اقتباس:
اقدر اجيبلك 16 آيه بتدعو للتفكيروالتفكر
و 148 آيه تدعو للتبصر
وطبعاً عملت للأخ اللي كان بيهاجمني معادلة أثبتت إن شعار المجموعة مكانش غلط
وردت عليه استاذة فاضلة هنا
لو فاكرة
|
اه الموضوع الظريف ده ميتنسيش
انا تقريبا كنت هشتم الاخ اللى كان عامله بس مش مهم
الواحد كان عبيت اوى
ومازال يعنى
اقتباس:
--
عموماً موضوعك متفرع اوي وردي مش مُرتب خالص إن شاء الله ليا عودة مع رأي اعم وأشمل
لو الموضوع استدعي كدا
|
انا عارفه مهو انا عندى مشكلتين لما بكتب
الدنيا عندى بتدخل فى بعض وببئا مش مرتبه وبدخل فى حجات كتير تحتاج خمسين موضوع
والعيب التانى العربى بتاعى زى الزفت بيدخل فى العامى وبتبئا سلطه
اقتباس:
شكرا ربنا يجعلك من الداعين للخير والدالين عليه يارب
|
هههههههه
يارب ان شاء الله
اول مره حد يدعى الدعوه دى
آخر تعديل بواسطة COoL HEaRT ، 02-07-2009 الساعة 09:19 AM
|