[اوركيديا]

المشاركة الأصلية كتبت بواسطة أسيل رزق

أنا آسفة يا فندم ( لكل ظالم نهاية )
ايون كته
بحب الادب و المؤتبين

شكلك هتغيرى لونك قريب .. الأبيض هيبقى عليكى جنان
هههههههه اها حيبقى شيك عليا
المفروض يعملوا لونين للوقف
لون ابيض للبنات و لون اسود للولاد
ما هو الدعم الفنى بتاعنا فاضى
لدرجه انه شال الابيض و الاسود و حن علينا انه يخلى الموقوف ازرق تانى

منورانا يا معالى الوزيرة
ميغسى ميغسى
بتكثف انا

هندخل فى جزء الإختبار النفسى .. هعرض على حضرتك 3 إختبارات نفسية و هتختارى حضرتك منهم إختبار تجاوبى عليه و فى نهاية الحلقة هقول لحضرتك نتيجة الإختبار و لكى الحق فى تبديل إختبار واحد بإختبار تانى .. و الاختبارات التلاتة هما
الذكاء الانفعالى
الثقة بالنفس
معرفة شخصيتك من صورتك المفضلة

إختارى معاليكى إختبار واحد و قوليلى هتختارى إختبار إيه
هو مش ينفع التلاته
هو احنا ورانا حاجه

ندخل بقى على سؤال تانى .. رأى حضرتك فى الأشخاص الذين سبق توليهم لمنصب رئيس الوزراء .. حضرتك هتقوليلنا رأيك فيهم كوزراء و كأشخاص عاديين

أحمد رضا :كوزير : من الوزرا اللى اهتموا كتير بالجانب التعليمى من حيث تطبيق نظام اليوثى ماس على الاطفال ..
الاهتمام بردو بوزاره الاعلام لكونها بتأثر كتير على اتجاهات و انظار الشعب نفسه ..
شديد شويه كتير و بيلجأ للدكتاتوريه فى كثير من الاحيان بس بتبقى لاغراض اصلاحيه فى النهايه
كشخص : انسان محترم كتير ..
مثقف لحد بعيد .. عنده قدره كبيره على الاقناع .. بيستخدم الفلسفه بفروعها و خصوصا السفسطه فى الحوار لاثبات وجه نظره ( مع عدم اقتناعى بجدوى الحديث عن التفاحه بدل اكلها و ده تلخيص الفلسفه )
موضوعاته جميله الى حد بعيد .. بيظهر ان فيها فكر ..
ادارى كويس بس مش بالنشاط الكافى ( يمكن ده يكون نابع من عدم احساس بأهميه المنتدى كقيمه )
نسمة :كوزيره : قرارتها مش بالقوه الكافيه و وعيها بمجريات الامور مش كافى لحد بعيد ..
محتاجه شويه شده .. اختيار صح للبطانه اللى حواليها و عدم الاعتماد على مسميات الصداقه فى التعيين او المميزات الظاهره بدون تدقيق ..
كشخص : انسانه عسوله جدا
حساسه لابعد الحدود .. بتحاول مش تبين انها كده بس ده بيظهر غصب عنها .. بتصدق بسرعه اى حاجه بدون تدقيق كافى .. بتعتمد على المظاهر كتير فى حكمها .. من الصعب اوى انها تغير نظرتها فى حد .. من النوع اللى بيعتمد على الانطباع الاول كتير ..
كانت مشرفه نشيطه بس بردو كان بيظهر عيبها فى عدم الشده ..
حبيبى انا
إسلام :كوزير : من الوزرا اللى اهتموا بالجانب المادى من الفكر او بمعنى اصح الحاجات اللى يشوفها بعينيه كأمثال الحروب و الانقلاب ..
عنده عدم رضى شبه كامل عن كل حاجه و حتى عن النظام اللى بيحطه لنفسه و بنفسه .. عدم ثقه شويه فى اللى حواليه فى الوزاره
شديد فى القرارات و مش من النوع اللى بيتأثر بالبطانه اللى حواليه ..
كشخص : انسان محترم ..
ممكن تاخد عنده مليون انطباع و بيتغيروا من موقف لموقف و من كلمه لكلمه ..و ده بيدل على ان شخصيته فيها كتير من التناقض ..
بيحب الخير فعلا مش مجرد كلام و ده بيدفعه لانه يحارب و يتكلم فى معارك و مواضيع مش بتاعته بس بيكون عنده دافع .. من النوع اللى بيؤمن بمبدأ و بيحب يكون عنده حاجه معينه بيسعالها
بس بيبدأ التناقض تانى و بيظهر ان الخير اللى بيحبه بيكره انه بيحبه و المبدا اللى بيسعاله ممكن يتخلى عنه فى لحظه

ياسمين :كوزيره : عاقله لحد بعيد و ده بيدفعها للاعتراف بمساوئ كتير موجوده .. و فى نفس الوقت بيخليها تعتمد كتير على المشوره و ى نقطه فى صالحها جدا ..
اهتمت بالسياسه كفكره اكتر من اهتمامها بيها كمضمون و ده بيخليها تقع فى تناقضات كتير ..
و مشاكل كتير مع اعضاء وزارتها ..
شديده و تقدر تمسكها كويس..
كشخص : حبوبه و عسوله من الناس القليلين اللى تقدر تعمل معاهم حوار متكامل و تقدر تكلمهم بدون ما يغزوك الشعور بالملل كالعاده ..
عندها اهتمامات كتير بس اولويتها بردو مش محدده لسه .. من النوع اللى عنده مزيج عقلى و قلبى فى التفكير
و ده بردو فى صالحها جدا ..
عصبيه بس بدارى ده فى قناع من البرود بس بيقع مع اول تأثير جامد عليها
ربنا يخليهالى ..
عادل :كوزير : امممم ممكن يبقى اكبر وصف ليه هو وزير شعبى ..
حاسس بالشعب جداا مش عنده نززعه كدابه او حدود معينه .. محتاج شويه حزم كتار شويه عشان ممكن احداث الشغب حتكتر فى الاول
كشخص : انسان طيب طيب لابعد الحدود
محترم و بيحب الخير .. بيكره التناقض و مش عنده روح التناقض نفسها و ده شئ كويس و وحش فى نفس الوقت ..
بيحب يفيد غيره و يستفيد بس محتاج تشجيع حد يكون معاه
امممم .. مش عارفه ايه تانى
كملى انتى

نهال :كوزيره : قرارتها صح كصيغه بس محتاجه تنفيذ يبقى على نفس مستوى القرار
محتاجه شويه علم ببواطن الامور اكتر من كده .. محتاجه ناس كويسين حواليها عشان تعرف تشتغل و تاخد رايهم
وزارتها محتاجه مجلس تشريعى و تنفيذى كويس
كشخص : طيوبه
قليله الكلام شويه محتاجه شويه عبال ما تعرفى تقربى منها .. ردودها بتبين انها عندها فكر الى حد كبير
ابقى قوليلها تحن عليا شويه

السادات :كوزير : الى حد ما بيطبق نظريات هو عارفها بس مش يعرف ادنى قدر من القدره على تطبيقها ..
شديد شويه بس لازم يبعد جدا عن البطانه السيئه ممكن تأثر عليه كتير
كشخص : مش اعرفه اوى عشان احكم ..
بس هو عامه انسان طيب و كويس بس بيمشى كتير ورا الكلام ..
جيهاد :كوزيره : تقريبا زى نسمه على شويه من عادل
كشخص : انسانه حبوبه .. بتدخل فى الكونفرنس تقول انا كبيره القعده ..
بتحب تعمل حاجات كتير بس نشاطها فى الاعداد بس مش فى التنفيذ ..
بردو ابقى خليها تحن عليا ..

بسام :
كوزير : مش ينفع وزير اساسا ..
الوزاره محتاجه حد يكون عنده قلق حقيقى على المصالح
و مش سهل يبيع القضيه و يكبر من المسئله كلها
بس بسام من النوع ده و ده طاغى كتير على شخصيته
فالنوعيه دى مش تنفع تبقى فى مناصب قيديه
تنفع تبقى شاعر فنان مثقف مفكر
حاجات بتعتمد على جانب الفكر اكتر من جانب الحس التنفيذى
كشخص : انسان محترم ..
مثقف لحد كبير تاثير القرايه عليه كتير ..
شخصيه جميله فعلا و ده شئ نادر هنا
فيه اتفاق شبه كامل عليه و ده حاجه يتشهدله بيها
بيحسسنى انه على طول مصاحب الاموشنز ده

المجاهد :
كوزير : بيعتمد على نظم الدفاع و الهجوم كتير ..
لو طبق الشيعه الاسلاميه(مش الاخوانيه ) (صح )..
حيبقى احسن رئيس وزرا جه ..
كشخص : ربنا اعلم بعبيده
كل انسان شايف هو بيعمل ايه و بيقول ايه
و مش حد عنده توكيل من ربنا بحساب حد

و أيهم من وجهة نظر حضرتك يستحق الرجوع للمنصب ؟؟

احمد رضا و اسلام
بس يقللوا العصبيه و الدكتاتوريه شويه


بس كده بقى حرااااااام
انتى عارفه بقى اللى عملته عشان اعرف ارد

يلا فى رعايه الله