[اوركيديا]

المشاركة الأصلية كتبت بواسطة لمى 2016

جميل يا ولاء
بس مش عارفة ليه حاسة انه تافه
يعنى انا مش استفدت
يمكن انا اللى غبية شوية
و لا ايه
عموما هاستنى الباقى اما نشوف

امممممممم
انا معاكى ان اى حد حيدخل يشوف الحكاوى حيقول انها حكاوى قبل النوم
على راى اسلام الشاطر حسن و الاميره سميحه
بس الفرق انك تشوفى المغزى من القصه نفسها
اضربلك مثال
برومثيوس
ده واحد من التايتانز (Titans ) اللى هما قوم عمالقه كانوا بيحكموا قبل الهه الاوليمب و دارت بينهم حروب
لغايه ما الهه الاوليمب هما اللى كسبوا
بعدين حصلت قصه نهايتها ان برومثيوس سرق النيران المقدسه من الاوليمب
و اداها للبشر
عشان يستفيدوا منها
و نتيجه لكده زيوس غضب غضب شديد و نزل على برومثيوس عقابه الابدى بانه علقه بين جبلين و امر الرخ كل يوم ياكل كبده فى الصبح و يلتئم الجرح بالليل و يعيد التهامه فى الصبح
و هكذا دواليك
طبيعى لو انا قولتلك الحكايه دى حتقوليلى
الشاطر حسن افيد
بس لو عرفتى ان برومثيوس هو رمز لكل حد حاول فى يوم انه يساعد البشر
و ان النار هى رمز المعرفه اللى اهداها برومثيوس للبشر
و ان العذاب الابدى ليه ما هو الا عقاب لكل حد بيحب البشر و بيرغب فى مساعدتهم

لو تعرفى انها تعبتر من اهم القصص الاسطوريه اللى اثرت على الوجدان الجمعى الغربى
جوته عمل فيها قصيده اسمها برومثيوس و كان فيها اكتر من قصيده من العرب كمان
و وصل ان الاغريق و للان بيعملوا الشعله التى لا تنطفئ و بيجرى بيها شاب فى المسابقات الاولمبيه
ترميزا لمجهود برومثيوس

ده مثال واحد و فى غيره كتير و انا لو شوفتى فوق بقول الاسطوره مع معناها
و تعبتر الاسطوره اللى حكتهالك بتاعت برومثيوس و سيزيف و هركليز و الالياذه و الاوديسه هما اشهر حاجات كانت موجوده


صوره لبرومثيوس

فى رعايه الله