اقتباس:
المشاركة الأصلية كتبت بواسطة بندق__2007
عن مصر بلدك و اللى فيها
و قفت قولت بصوت حزين
بلدى سرقها اللى حاميها
-----------------------
كان زمان يسرق شوال
او حتى يسرقله زكيبة
لكن النهاردة حالنا حال
صبحت بلدنا دى نهيبة
-----------------------
فيها اللى عايش فى القصور
فيها اللى مش لاقى اللضى
فيها الخوف يملا البحور
و الظلم سارح فى الفضا
-----------------------
الناس فى بلدى بقت ديابة
بتنهش فى لحم بعضها
معادتش زى زمان غلابة
صبحت بتكره بعضها
-----------------------
جوانا حب كبير لها
و عتاب عليها ملوش نهاية
نشتم و برده و نحبها
لكن زهقنا من الحكاية
-----------------------
حكاية السطان حموءة
و نجله اونكل زيزفون
الكل نفسه يقوله لاء
بس خايف من السجون
-----------------------
خلاص تعبنا من اللى فينا
و لا حد عمره شال همومنا
و الحق برده اكيد علينا
من زمان خوفنا كاسرنا
-----------------------
بس لازم يجى يوم
نقوم و ناخد تار بلدنا
بس اخاف نقوم م النوم
بعد ما يبيعوا بلدنا
|
شو الأخبار؟
يارب تكون بخير
عذراً لتأخيرى فى الرد
بس بجد ما شاء الله
جميلة جداً جداً
بالتوفيق دايماً
__________________
دع الايام تفعل ما تشاء ، و طب نفسا اذا حكم القضاء ، و لا تجزع لاحداث الليالى ، فما لحوادث الدنيا بقاء .
|