معلش بس عندي استفسار وياريت نتكلم فيه .
اولا شكرا علي موضوعك المهم الذي يناقش قضية عصرية
ثانيا : المراسلة ده موضوع حضرتك النهارده
عاوز بس اوضح حاجة
هي هتفرق لو اني اتكلمت مع بنت انا اعرفها كويس جدا ع الميل من اني اتكلم معاها في الشارع و قدام الناس او في اي مكان بعيد عن النت ؟؟؟
مع العلم اني عارفها
و مع العلم بارده اننا بنتكلم في حاجة عادية مش كلام وخلاص ولا كلام حب ولا غيره
كلام في منتهي الاحترام
ده اول استفسار ليه في الموضوع
و اعتقد ان الاجابة عليه هتكون انها مش هتفرق و الله اعلم بس ياريت تجاوبني علي السؤال ده لان بعد كده ردودي هتبقي مبنية علي جواب حضرتك
ثاني حاجة احب استفسر عليها من كلام الاخت ايه
حضرتك بتقولي انك ادارية ولازم تفتحي الرسايل الي اخره
هو ليه اصلا حضرتك تقفليها ؟
بعيدا عن اي اسباب خاصة احنا كلامنا علي موضوع المراسلة
المراسلة اه هتبقي حرام لو كان الكلام مش تمام
انا ما اقصدش و الله اي حاجة انا بتكلم كلام عام
المراسلة زي الكلام العادي
زي لو قابلت اي واحدة محترمة في الشارع و سالتها عن اي حاجة او في محل ما او ي اي مكان وطلبت منها المساعدة
اعتقد ده مش حرام ؟ ولا ايه يا اخ المجاهد ؟
اعتقد ان الكلام في الحياة العادية زي الكلام في حياة النت بعض الشئ مش في كله علشان نتكلم بطريقة صحيحة
هل ده حرام ؟ حرام انك تلبي لواحد مساعدة ولا ايه
ياريت اخت ايه و صاحب الموضوع يعلقوا علي ردي و اي عضو يرغب في ذلك لان لسه عندي كلام كتير اوي في الموضوع ده
في الانتظار .....
في رعاية الله وامنه