04-07-2009, 03:07 AM
|
 |
عضو مجتهد
|
|
تاريخ التسجيل: Mar 2009
العمر: 32
المشاركات: 90
معدل تقييم المستوى: 17
|
|
صندوق الدنيا
قرب بص شوف واتفرج
فنجل عينك اوعا تغمض
اقفل بقك وبلاش تتكلم
اسمع لكن بهدوء
خليك ناصح ومتغلطش
بص وشوف الدنيا ماشيه ازاى
بص كويس اوعا تخاف
اصل الخوف شيطان ملعون
يقفل بابك بالترباس
صندوق دنيا وفيه الناس
ابيض واسود او الوان
قرب شوف راح تتفرج
على الحواديت
حواديت الناس الغلبانه
وكمان حواديت السلطان
اسمع راح تستغرب م الحكايات
حكايات بحكيها بنص لسان
حكايات بحكيها بقالى زمان
حكايات حقييقيه وخياليه
من صنع الانس
وصنع الجان
اسمع راح تتعجب من الحواديت
حواديت الناس السهرانه على الطرقات
حواديت الدنيا ..... حواديت الناس
صندوق دنيا وفيه مواويل
مواويل للعبد وللسلطان
صندوق دنيا وفيه الناس
ابيض اسود او الوان
|