لما بيزيد الحنين ع المجروحين
يصبح أنين ........من غير كلام
أجمل حاجة فى بدايات القصائد هى الإفتتاحية اللى بتحسسك ان الشاعر دا كان لسه بيكلمك قريب منك لسه قافل معاك السماعة
بس فيه تعليق:المجروحين بجراحهم هم فى أنين من هذه الجراح يعنى كدا كدا مش هاتفرق معهم لما يزيد الحنين عليهم
( رد : العزب
لا يا شاعر هي هتفرق معاهم كتير لأن الحنين هيقلب عليهم المواجع فتصحو الجراح ويعود الأنين )
يبقى السلام جوا النفوس ....... مكسور
وندور ونبعد بس مش عارفين
لو يوم هنوصل واللا يوم ... راجعين
ولفين يا سكة غربة العاشقين !!!
جميلة يا شاعر : السلام مكسور وكأنه شيىء معرض للكسر يعنى مش عارف يكون مجبور ولا هايكون بينكما
* * *
مجنون ياطير مجروح
عايز تروح على فين !!!
وانت كسير الروح
طاير بغير جناحين
دي الغربة كاس مليان
فيه المرار ألوان
مايبانش غير بعدين
لو دُقْتُه مرة تقول
مشوارنا مش هيطول
دول هما بس يومين
واليوم يجيب اليوم
تلقى الشموس بتغيب
ويغيب معاها النور
وندور ونبعد .... بس مش عارفين
لو يوم هنوصل واللا يوم راجعين
ولفين يا سكة غربة العاشقين ؟
........ولفين !! ؟
للغوص بقية