اقتباس:
|
اولا شكرا ليك جدا على المعلومات ديه والرد الهايل ده
|
العفو يا ستى
اقتباس:
|
مين احسن القاهره ولا عين شمس مين الى معترف بيها دوليا وفى الشغل بيفضلوا مين يعنى ان شاء الله لو كان فى اختيار بين القاهره وعين شمس نختار ايه
|
وربنا المعبود يابنتى انا مابقيت عارفلك حاجة .. مرة تسألينى عن فنون تطبيقية ومرة عن هندسة
عموما هندسة عين شمس والقاهرة واحد ..
بس القاهرة فيها اقسام مش موجودة في عين شمس وكذلك العكس برده
زي قسم هندسة طبية اللي سألتى عليه قبل كدا .. دا موجود في القاهرة بس ومش موجود في عين شمس
عندك برده قسم الهندسة النووية دا مش موجود في مصر كلها الا في جامعة اسكندرية .. وهكذااااااا
انما من المتعارف عليه عموما يعني ان مناهج جامعة القاهرة تقيلة والامتحانات فيها كتيرة
يعني انا ليا صحابي في هندسة القاهرة كل اسبوعين مثلا يقولولي احنا عندنا امتحان ..
اما انا نفسي كنت تعبانلهم سلف !
وجامعة عين شمس برده معروف ان دكاترتها رخمين وامتحاناتهم صعبة ..
بس لو جيتى درستي الموضوع هاتتلاقي ان الحكاية مش مستاهلة قاهرة او عين شمس ..
اللي اقربلك من بيتك روحيه وريحى دماغك
