[استاذ بدوى الدجوى]

المشاركة الأصلية كتبت بواسطة مستر محمود فتحي

على فكرة يا مستر نبيل انت شخصية مستفزة جدا والموضوع هايتنقل غرفة المدرسين ايه رايك دة لو انا شايف انه يتنقل وياريت تتكلم باسلوب راقى شوية مع زملائك وبعد كدة اى موضوعات فذلكة هاتتنقل غرفةالمدرسين والطالب له منهجه فقط وما يتعلق بشغله على الصفحات دي اما ما يتعلق بأمور النقاش اللى انت بتقول عليه مع المدرسين بيكون فى غرفتهم والا نلغيها احسن

الاول بس مبروك على عضوية مجلس الادارة يا عم وعقبالنا
ثانيا بقى انت متنرفز كده ليه ؟
ربنا يستر كده البيئة المحيطة فى خطر
واضح جداا نشاط جامد من الاستاذ محمود فتحى

عمال الف وادور ومش عارف انا بكتب ايه
المهم : انا كنت فعلا مع الاستاذ نيبل على الايميل وبنتكلم مع بعض فيما يخص المنهج الجديد
انا اللى قلتله ان فيه جملة فى الـ wb تم اجابتها بطريقة غير منطقية فى الـ tg
بعد ما قام ببحثه قال لى ان الجملة تنفع وانا مكنتش مقتنع برده فطلبت منه اننا نطرحها للنقاش على المنتدى
قال لى خلاص اطرحها قلت له لا اطرحها انت رفض فى الاول ووافق بعد اصرارى لدرجة انه اتفق مع على عنوان الموضوع وبعد كده قمت لانى كان عندى غسيل ( حد عنده مانع ؟ )
واول لما رجعت فوجئت بما حدث واتصلت به وعرفت التفاصيل

الاول يا استاذ نبيل لازم تعرف ان ما محبة الا بعد عداوة وانت الان مع احلى شخصية ممكن تعرفها فى الدنيا دى محمود فتحى فهو اعز صديق لى وهدية ارسلها لى ربنا
وبعد ما عرفتك اعجبت بك جدا و كمان عرفت انك شرقاوى

الشراقوة مالهم يا رجالة ؟ الوقت ده ضدهم ولا ايه ؟ هل كل عام فى مثل هذا التوقيت يحدث هذا ؟
مش عارف ؟ استاذ سيد يمر بظروف صحية عصيبة شفاه الله وعفاه
محمود فتحى الله يكون فى عونه بجد فى الظروف القاسية التى يمر بها
بس هو اكيد فهم خطأ صدقنى يا استاذ نبيل ولا تزعل منه و قدم سيادتك فوق راسى انا لانى السبب

محود فتحى لما تروق شوية ان شاء الله تعالى يا ريت تبقى تشوف اصل موضوع المناقشة وتقول رأيك فيه مش معقول حاصل على درجة الدكتوراه ومش هنستفيد منك !!!!

بالنسبة لحجرة المدرسين انا معاك اننا نقفلها فعلا او نعملها تفعيل بس فى هذه الحالة هيبقى فى نظام جديد اوى و نشيل من ناس كتيرة اوى صفة مدرس ونمنع نزول اى شيئ فى العام الا للطالب

لو مستعد انا جاهز لغاية ما يجى احمد فاضل وتحت امركم

اكرر اعتذارى لاستاذ نبيل لكونى سبب ما حدث
تقبلوا مرورى