[جمال سراج]

بدون ما نجرح فى حد
هو المفروض فعلا ان يتساوى الجميع فى الكادر
بغض النظر عن المؤهل فعلا
يعنى للاسف الشديد ومع عميق احترامى - كان عندنا مدير مدرسة اعدادى بدبلوم صنايع ( ودا مش عيب ابدا) لانه كام مدرس رسم- وترقى اكثر من ذلك ومسك رئيس قسم بالادارة ومدير مكتب مدير الادارة ( معرفش ايه الشغلانة دى بصراحة وهل هو مسمى رسمى ولا تقليعة) - المهم زميل هذا الشخص الفاضل يوم بيوم ونفس المؤهل كان قاعد على البوابة لانه متعين او مسماه الوظيفى معاون فنى مش مدرس وكل شغلتله اللى مش بمزاجه طبعا انه يسجل مين داخل ومين خارج - دا اذا سجل يعنى!!!
هل هذا الكلام يرضى حضراتكم
هو بالتاكيد ميرضيش ربنا ان واحد عمال يقبض من امتحانات وبدلات وغيره وغيره ومش بس كدا التنطيطة كمان والمنظرة ونظارات الشمس الساعة 10 بالليل حتى!!!!!!!!!!(مدير بقا - أو رئيس قسم - أو متابع) وممكن واحد معاه دكتوراه يكون مدرس عنده او تحت ايده
وواحد لمجرد ان مسماه الوظيفى مختلف مش يطول حاجة غير مرتبه الهزيل - مع العلم بانها كلها مرتبات هزيلة - بس زى مع بيقولوا نواه بتسند
نتمنى لكل الناس حياه كريمة ومرتب معقول يصارع تكاليف الحياة - اكل وشرب بس حتى مش عاوزين لا رفاهية ولا زفت
هى فى الآخرة هتتساوى واكيد كل واحد هياخد حقه هناك بلا شك - لا شك ولا شك ولا شك فى هذا
حتى لو قالوا علينا دراويش!!!!!!!!!!!!!!!!!!!!!!!!!!!!!!
تحياتى للجميع