[pureheart]

الموضوع كبر اوى كدة ليه
انا رائى ان القانون ده بيدى للمراة حق مشروع و هو القدرة على الحياة
و عدم تحكم حد فيها لمجرد انه شايف ان الست لازم تسمع الكلام و تقول حاضر و ماشى و خلاص
و فى كتير من الرجالة بيضربوا زوجاتهم و لم تسالهم ليه يقولك الست مبتجيش الا بالضرب
طب ده نعمل معاه ايه
نسيبه يتحكم و يضرب عشان يعينى البيت ميتخربش
و باين من كلامك انك ضد فكرة الخلع
احنا منقدرش ننكر ان احياناً يساء استخدام القانون
زى ما احياناً يساء استخدام الطلاق
يعنى لو واحد عايز مراته متنزيلش تشوف اهلها يقولها عليا الطلاق منتى نزلة
فكل حاجة ليها جانب ايجابى و جانب سلبى
و موضوع ان القانون مش محدد عدد مرات الخلع فى السنه ده مشصحيح
هى شهور العدة بتاعت المطلقة كام ؟؟
مش تلت شهور و قضية الخلع مبتاخدش اقل من شهر يعنى ممكن تخلع اربع رجالة
فحين ان الراجل ممكن يتجوز و يطلق 360 مرة فى السنة
شايف الفرق
و لو البنت متجوزه الشخص ده عن قناعه شخصية و عن حب مش مجبرة عليه و لا متجوزاه بالعافيه
على اساس انها حتحبه بعد الجواز اكيد مش حتخلعوه الا لو فى سبب حقيقى
و الموضوع مش اننا بنتخانق مع بعض لا كل واحد بيقول وجهة نظره و المفروض اننا نحترم وجهات نظر بعض و المناقشة تبقى بطريقة محترمة و المهم ان الاختلاف فى الرأى لا يفسد للود قضية