نفسي أصلي وأنتظم في الصلاة,لما بيضيع مني فرض بعديه ومش بقضيه,بأخر الصلاة لآخر الوقت ,مش عارف أحب الصلاة ...مش عارف أخشع فيها..............
الكلمات دي لاحظناها الفترة الأخيرة كتير جدا والحقيقة انها مش موجوده الفترة الاخيرة بس ..لا دي موجوده من زمان ..وفي ناس عاشو حياتهم وماتو –ربنا يغفرلهم ويرحمهم- وهما لسة بيقولو نفسي أصلي !!!
مش عاوزين احنا كمان نموت واحنا بس نفسنا نصلي
ان شاء الله في الموضوع ده هانتكلم مع بعض كلام بالعقل عشان نعرف احنا كده ليه والمفروض نكون ازاي
وطبعا اللي عندو مشكلة في الصلاة ومش عاوز يقول هنا ممكن يتابع معانا ولو جرب اقتراحتنا ولاقدر الله ما نفعتش معاه يقولنا لو مش ف الموضوع يبقى في رسالة
بس هاننتظم في صلاتنا يعني هاننتظم وهاتفضل في حياتنا عباده مش عاده