فقولتلها الصراحة كنت عايزة واحدة جارتنا تبقى ماما
قالتلى ليه و انتى متضايقة منى ليه
قلتلها عشان عندهم مراجيح فى الجراج و احنا معندناش
و بدات ماما تجيبلى معلم القراءة و تعلمنى القراية فيه
و ترجع البيت تلاقينى قبلها هناك 
و كانت احلى ايام حياتى لما كنا نتجمع عند تيتة يوم الخميس
كنت زعيمة عصابة الثلاثى المرح
انا و اولاد خالى الاتنين هما اصغر منى بسنة فى السن
كنت باخدهم و ننزل مكتبة جنبهم
نستر مقالب بمصروف الاسبوع
اقلام بتفرقع و حاجات من دى و لبان دم و شطة
و نعلب مع بعض تماثيل اسكندرية
مكنش فيه بنات ادى فكان لعبى كله مع الاولاد
و كنا ننزل عند الفكهانى و نجمع من بعضنا احنا التلاتة 50 قرش
ايام الفلوس لما كان ليها قيمة
و نشترى بيها تفاحة اصلى بحب التفاح اوى
و كنت انا اللى بقسم التفاحة و كنا لما ننام بالليل تطلع عصابة الثلاثى المرح و نضرب النايمين بالشباشب
و كنا نخلص لتيتة كل الاكل اللى فى التلاجة و تصحى الصبح تزعقلنا 
و دخلت المدرسة و اتقلبت شخصيتى 180 درجة
و افتكر مرة واحدة من اصحاب ماما قالتلى ازيك عيطت بس كنت شاطرة و بطلع من الاوائل
و ماما بقى كانت مدرسة فى مدرستى
و كنت بحب كدا عشان كدا كدا كنت شاطرة
و كنت لما انسى اخد المصروف اطلع اخده منها
و لما انسى امضى ورقة الامتحان اطلع امضيها عشان متضربش
و كنت بقعد لوحدى فى الفسحة
اما بقى فى البيت فكنت دايما اتخانق مع اختى
كانت بتقعد مع بنات خالتى و قرايبى و بيباتوا عندنا
و ميردوش يقعدونى معاهم بحجة انى لسة صغيرة
_ ال يعنى هما اللى كبار _
و كنت دايما بزعل و مبطلش عياط
كانت اوحش فترة فى حياتى
عشان كدا لما اختى اتجوزت و سافرت فرحت فى الاول
مكنتش ببطل كلام فى التليفون
و فى الفترة دى اللى اتعرفت فيها على مروة _ ميراج _
و كانوا عاملين رحلة للايتام ماما و مامتها
فسالونا نروح فقولنا ماشى اديها فسحة
و من اول يوم خرجنا فيه مع بعض
و كنا من بعدها بنخرج كل يوم
لفينا البلد كلها 
و كانت احلى سنة تلاتة اعداى
و كان عندنا مدرس كيمسترى يموت من الضحك
كنت بهرب من حصصه اصله ممتاز و بيشتغل شغل نار
لكن كنت اقف اهزر معاه بعد الحصة 
و هو اللى قالى فى منتدى اسمه الثانوية حلو ادخلى عليه
انا بقى دخلت على جوجل و عملت سيرش
و دخلت فى سكة اللى بيروح مبيرجعش 
بدات بقى اتعرف على ناس جديدة
لان احنا كنا منغلقين فى مدرستنا
اما بقى فى دروس الثانوية كنا بنشوف ناس من مدارس تانية فى الدروس
و انا اهوه بتغير لحد دلوقتى
بقيت طيبة اه بس مش زى الاول
تقدر تقول بعمل نفسى عبيطة معظم الاوقات
و فى تانية ثانوى عشت لحظات فرح و قلق و توتر كتير
و كنا بنخرج نروح السناتر فى الهرم و نعرف ناس تانية خالص
و فى اول تالتة دخلت كمان معهد تحفيظ قران
اتعرفت على ناس اكتر و تفكير غير اللى فى مدرستى و اصحابى و تفكير غير المنتدى و غير السناتر
حاجة جديدة كدا و استفدت منه اوى الحمدلله
و ادينى اهوه داخلة حياة جديدة
و رايحة الجامعة بكرا ان شاء الله
يارب تكون مرحلة حلوة من حياتى
مع انى بعتبر كل مرحلة عشتها حلوة و كان لازم امر بيها عشان اتعلم منها
و لو رجع بيا الزمن هختار حياتى زى ماهى
المهم بقى انا ايدى وجعتنى من الكتابة
و اختصرت القصة عشان انا بتعب
مش لازم تفاصيل