[ENG.HAGAR]

يوم راحة في الثانوية العامة
مش فاكرها دي بصراحة
يمكن عندي

هو يمكن المقصود يوم راحة من الدروس اللي بره البيت
و مشوايرها والنزول وواجب الدرس والاستاذ اللي عامل امتحان
و التسميع والكلام ده
فبيبقى الواحد قاعد في البيت طول اليوم لو مفيش مدرسة كمان
بس عادي اليوم بيستغل في المذاكرة
انا عن نفسي كنت بستخدمه اكتر في اني اخلص المتأخر عليا واحضر دروس اليومين اللي بعديه
سواء الواجب او المذاكرة
اهم حاجة المذاكرة يوم بيوم
بس
مفيش
يوم راحة كده كامل من غير مذاكرة
في
ثانوية عامة
متجيش

جزاك الله كل خير على ردك
بس انا اختلف مع حضرتك
واتفق مع كلام بوسى

مع احترامي لأحمد
بس انا كنت باخد يوم راحه من المذاكره و من كل حاجه في الدنيا و بخرج فيه عادي و هو يوم واحد بس في الإسبوع
بس المهم مايكونش عندك فيه دروس , و تكوني مخلصه كل حاجه و مش وراكي حاجه
لاني ساعات كنت بلغيه لو فيه حاجه ناقصاني و بكملها فيه

بس الكلام ده كان في تانيه
في تالته .. ماشوفتش وشه ههههههههه
هي مره او اتنين و مابنش تاني

هي تانيه سهله و ممكن تجيبي فيها مجموع
بس اهم حاجه تركزي و مش تضعطي على نفسك
و ربنا يوفقك
و عايزه اقولك حاجه
انتي لو تعبتي السنتين دول .. هترتاحي بقية حياتك لو دخلتي كليه كويسه على مزاجك
مش التنسيق اللي حدفك فيها
بجد اتعبي دلوقتي ترتاحي باقي حياتك

وانا كمان قلت ان مش معقول يكون طول السنة مذاكرة مذاكرة مذاكرة .....
بردو النفس بتمل حتى لو الواحد بيحب المذاكرة
انا ان شاء الله هعمل اقصى ما عندى علشان اجيب درجة محترمة ان شاء الله
واشرف بيها دينى وحجابى كمان
وان شاء الله ادخل الكلية اللى عايزاها
ادعولى انى ادخل هندسة عين شمس
وربنا يباركلك يا بوسى على ردك وان شاء الله تدخلى الكلية اللى انت عايزاها

الجملة دي غلط خالص على فكرة

لو نتكلم على البنات

اتعبي دلوقتي ارتاحي.....كده كده حترتاحي بعد كده

لو نتكلم على الولاد

اتعب دلوقتي او ارتاح....حتفضل تتعب طول حياتك

انا مثال حي

تعبت في ثانوي سنتين عشان ارتاح
دخلت الكلية
اتعب 5 سنين
عشان ارتاح
والشغل مفهوش راحة
الا لو جبت صيدلية ووقفت قدامها ارش ميا الصبح
:0 28ja7:

مصر بقى
امي ولازم استحملها

بالنسبة للراحة
سئل احد السلف
متى يجد العبد الراحة
قيل عن اول قدم يضعها فى الجنة
الحمد لله على كل شئ
معنى الراحة اللى الناس عايزنها
هى فلوس علشان تكون معاه عربية " شكل من اشكال الراحة "
شقة " شكل من اشكال الراحة "
فى منظقة نضيفه طبعا
جواز وخلافه " شكل من اشكال الراحة "
وبس
هى دى اشكال الراحة الدنيوية لا اكتر ولا اقل
فطلبة كليات القمة الى حد ما مرتباتهم كويسة والحمد لله
علشان كده هيقدروا بأذن الله يحققوا اشكال الراحة السابق ذكرها
وجزاك الله كل خير

أنا عن نفسى كان عندى أيام راحة 24 ساعة و مع إحترامى لدكتور أحمد بس مفيش حد بيقدر يذاكر كل يوم أكيد بتيجى لحظة ملل للشخص و بيكره فيها إنه يفتح كتاب .. غلط طبعاً إن مايكنش فى يوم كامل من غير مذاكرة بس مش مرة فى الأسبوع يعنى .. أكيد كل شهر مرة مثلاً و بسم الله ما شاء الله الأعياد و المناسبات كتير أوى فى السنة يعنى أنا ماكنتش بذاكر إلا آخر يوم فى العيد الصغير و الكبير و رمضان أكيد مذاكرته بتكون أى كلام مش مذاكرة ثانوية .. الراحة من المذاكرة موجودة و لازم تكون موجودة بس مش نذاكر يوم و نقعد من المذاكرة يوم .. الهدف من يوم الراحة ده عدم الشعور بالملل من المذاكرة .. أنا كان ليا واحدة زميلتى شاطرة جداً فضلت طول السنة تذاكر و ماكنتش بترتاح أبداً و جت فى شهر 4 حست بملل فظيع و مابقتش تذاكر زى الأول و ماجبتش المجموع اللى كانت عايزاه
يوم الراحة مطلوب و يفضل يكون فى المناسبات علشان مايكنش فى تقصير فى متابعة الدروس و يكون في خروج أو تغيير جو بعيد عن المذاكرة
لكن لو حسيتى بملل فى يوم وسط دراستك و دروسك ممكن تكون مذاكرتك على خفيف يعنى تقرى درس أو تحلى كام مسألة كده على الخفيف أو تذاكرى أكتر مادة بتحبيها علشان الملل يروح من عندك
و ربنا يوفق الجميع

كلامك صح يا اسيل وربنا يباركلك ويوفقك فى دراستك ياااااااااااااااااارب
وفعلا ياما ناس تتعب نفسها وبعدين ؟؟؟
بيجيلهم تعب فى اهم شهور وهى الشهور الاخيرة
وضاعت المذاكرة القديمة
افضل شئ هو الاعتدال
الواحد هيعمل اقصى ما عنده
لكن مش هيقتل نفسه
جزاكم الله كل خير على ردودكم الجميلة