[the black rose]

الاجازة
حاجة بنستناها من السنة للسنة
طب يا ترى بنستناها ليه ؟
عايزين منها ايه؟ بنذل بعض عشان خلصنا امتحانات ليه ؟
عايزة اسال سؤال الاول
يا ترى انت/ى خططت لاجازتك ؟
حاسين بمتعة فى الاجازة ؟
ولا بملل ؟
بتعمل حاجة مفيدة ؟
الاجازة دى اهم فترة فى حياتنا
ده الوقت اللى بنحدده احنا بحريتنا الكاملة
يعنى فى وقت الدراسة مثلا الدروس بتحدد وقتنا
المدرسين هما اللى بيحددوا مواعيد الدروس و كمية المذاكرة
و كذلك فى الجامعة و خصوصا فى الامتحانات
تلاقى الواحد مخنوق الدكتور ده مستقصدنى
و ورايا حاجات كتير اعملها و مفيش وقت
اما فى الاجازة انت مدرير نفسك
انت المدرس
انت الدكتور
ليك حرية تقسيم وقتك
ورينا بقى التنظيم اللى انت كنت ساخط عليه فى الدراسة
هتنظمه انت ازاى ؟

المهم
الموضوع ده مش عشان كل واحد يدخل يقول بيعمل ايه
لاء ده معمول عشان نتناقش فى خطط للاجازة
الواحد ممكن يستفيد و ميحسش بالملل ازاى
كل كام يوم هنزل خطة جديدة ان شاء الله
و نتناقش فى اللى هنقدر ننفذه
و ممكن نفكر فى مشروعات صغيرة لو حد عنده الفكرة
و بالكتير كل اسبوع هنلخص افكارنا
واللى نفذناه و اللى ناقص ننفذه
ده شعار الموضوع


عايزة اعرف الفكرة هتعجبكوا ولا لاء
و مستنية تفاعلكم
فى امان الله