نبدأ
أول حاجة ممكن حد يقولهالك او انت تقولها لنفسك :انو بس كفاية عندي النية .ربي هايقدر لي ده
طيب تيجي نحسبها كده مع بعض
نعد نعم الله علينا واللي يعرف يعدها يبقى يقوللي
تفتكر انك لما تشكر ربك بالحمد لله ,الشكر لله...........
يبقى اديت واجبك تجاهه –جل وعلا-طبعا مفيش حاجة نقدر نقولها او نعملها تخلينا نقول اننا ادينا واجبنا تجاه الله-سبحانه وتعالى-
طيب ايه..!!! ماهو طلب منك حاجة تعملها خمس مرات ف اليوم بدلا من خمسين......نقولو لأ !!!!نقولو عبادتك تقيلة على قلبي؟!!!
والله عيب ... ده انت تتكسف تقول لوالدك طلبك ده صعب .. تقيل عليا حتى لو كان فعلا تقيل
فيها ايه لما أقول لاصحابي يللا نقوم نصلي ونرجع نكمل قعدتنا او لعبنا او ايا كان بقى مادام في غير معصية الله
وقت المذاكرة .... الاذان أذن
طبعا هاتقول أخلص الصفحة دي مثلا وأقوم اصلي وأرجع وانت متحمس بقى
تخلص الصفحة تلاقي مش فاضل غير صفحتين وتخلص الباب فرصة بقى ..مش المذاكرة عبادة
لأ قوم على طول وسيب اي حاجة ف ايدك ووالله والله ربك مش هايضيعك
ومش هايروح من وقتك الغالي كتير ..ولو راح مش هايكون في غير طاعة الله
يعني ربنا هايعوضك هايعوضك
لازم يكزن عندك ثقة ف النقطة دي
لازم يكون عندك ثقة ف الله
ادعي ربك بكل اللي تتمناه ...كل اللي نفسك فيه
الدعاء ده هايخليك تشتاق للصلاة فعلا
جهز ورقة واكتب فيها من 8:5 دعوات
حجات انت بتتمناها ...تفضل تدعي ربك بيها لمده معينة ولتكن شهر مثلا
أنا هاقف لحد هنا النهرده لحد ما أشوف رأيكم ايه وحد هايبدأ معانا ولا إيه
هألخص كلامي الكتير ده (كأني كنت محرومة كلام
) في نقاط:-
-في ناس ماتو وهما نفسهم يصلو ..مش هانبقى زيهم بمشيئة الله
-إياك تقول لربك شكرك و عبادتك تقيلة على قلبي .
-ربك مش هايضيعك ومش هايضيع عليك وقتك
-هاتجهز من 8:5 دعوات للشهر ده وهاتستمر عليهم ولو كسلت قولنا عشان نشجع بعض