الاول موضوع كويس فعلاً
بس ناقصه حاجه انك تحطى حل
الطريقه دى بتفكرنى بالشيخ شومان اللى الحمد لله مسمعتلوش الا مرتين فى تاكسي
مشكله الراجل ده انه بيعرض المشكله جميل تمام
طب بس فين الحل ؟؟
وفين التحليل الصح للمشكله؟
واسبابها النفسيه
والحواديت دى
اقتباس:
وصف القلب القا سي
بيتقول
*وتأمل قول الله المعجز "واحاطت به خطيئته" اي استولت عليه وشغلته عن جميع احواله حتى صار محاطا بها لاينفذ اليه من حوله شئ
- وذلك ان من اذنب ذنب ولم يقلع عنه جره ذلك الى مثله والانهماك فيه وارتكاب ماهو اكبر منه حتى تستولي عليه الذنوب وتأخذ بمجامع قلبه فيتحول طبعه مائلا الى المعاصي مستحسنا اياها معتقدا ان لا لذه له سواها .... مبغضا لمن يحول بينه وبينها مكذبا لمن ينصحه بالبعد عنها
- فتصبح ذنوبه كالخيمة تحجب عنه كل شئ نظر الله اليه ونعيم الجنه المنتظر وكيد ابليس المتحفز وخوف الملائكة المشفقين
|
ممكن نعتبر ده سبب ان الانسان شهوانى ومش بتكلم من الناحيه الحيوانيه
الانسان بيشوف دايما المعصيه سهله
انا وانتى وغيرنا شوفى بقعد ع النت كام ساعه
وقت كتير من القاعده دى ولا ليه اى لازمه
انا مش شايفه ان فى غلط او ان دى معصيه
بس الواحد ممكن ينضف من جواه ويطهرها بانه الى جانب الحجات اللى احنا بنعملها
اكيد وطبيعى نأدى فروضنا
نعمل عمل خيرى
بحيث ان احنا منسبش الاخطاء تحيط بينا
وان يكون فى باب او حتى خرم صغير فى الجدار ده يكون منفذ للنور
فدايما لازم يكون فى جسر او حلقه وصل عشان منتفصلش عن الخير
ويكون فى سبب لحياتنا لان احنا مش عايشين عشان نرضى رغباتنا
لازم نقاوم الرغبات السيئه ونحاول نصلح دايما من نفسنا
هو ده الجزء اللى هو تنزلى الباقى من الكتاب يا ايمان
ياريت تركزى ع حل
مش شاييفه ان الفايده من عرض المشكله لاننا عارفنها
اقتباس:
ـــــ تعطل الحواس ـــــــ
لا ارى لااسمع ولا اتكلم
اولا السمع
*وهو مايلخصه اهل الكتاب لنبينا عندما قالو "وأسْمِع غير مُسمَع" ـــ اي اسمع غير مسموع منك فآذاننا معك وقلوبنا مع غيرك
- فقاسي القلب لا يسمع واذا سمع لاينصت واذا انصت لا يعي واذا وعى لا يدرك واذا ادرك لا يعمل واذا عمل اتبع عمله برياء ف عمله مردود عليه وعاقبته ضلال وحسرة ..... احم (مبالغ فيها من رأيي  )
|
انتى ورتهونى بس مفهمتش مبالغ فيه يعنى ايه بالعكس العمليه طبيبعيه ومنطقيه - الله يمسيكى بالخير يا ولاء-
فهى مترتبه صح انا (س) من الاشخاص
قاعده بسمع عمر خالد .. عمر بيتكلم عن الحجاب مثلا
قاسي القلب ده لو هناخد بمعنى الكلمه بيكون واحد قلبه متحجر غير مستعد لاستقبال الكلمه ولا النصيحه
واحيانا بيكون التأثير فيه وقتى والحماسه وقتيه
فصاحبتنا (س) سمعت كلام عمر عن الحجاب مثلا
هى من زوات القلوب اللى من النوع ده
مجرد سماع وخلاص مثلا مامتها كانت مشغله التلفزيون وهى قاعده جنبها
بتمضغ اللبانه ومش فى دماغها لا تنصت يعنى
وبفرض انها انصتت
فهى مش فاهمه او مش مقتنعه
ولو فهمت فالادراك الكامل هى لسه موصلتلوش
ولو ادركت فبتكسل عن التنفيذ
ولو نفذت هيبقى فى طريقين
يهيكون بردو التنفيذ وقتى وهترجع تانى بشعرها زى مبنشوف بنات كتير فى رمضان
او انها هتمشي تقول اتهدى يا ارض ماعليكى أدى
وبكده ولا كأنها كملت حاجه ورجعنا لنقظه الصفر
الحل بردو احيانا فى طريقه المقدم او اللى بيحاول ينقل الفكره
والحل ان بردو يكون فى منفذ ع الخير مش محاطه بصومعه بيضا مش سودا الاسود بيمتص ومش بيعكس
فجميل ان الواحد يحتفظ بالخير ده ع عكس الابيض بياخد ويعكس كله مش بيبقى جواه حاجه
ومن افضل الناس بجد واللى بحس انه صانع حضاره واسلوبه مقنع ليا انا بشكل شخصى عمر خالد
ومصطفى حسنى من بعده كويس
اقتباس:
|
*قاسي القلب غافل عن الغاية اتي خلق الله لاجلها لسانه فلا ذكر ولا دعاء ولا بناء بل غيبه وفحش وخشن قول واعتتداء والقساوة القلبية ستؤدي الى قساوة الفظ ولا بد
|
طيب وبعدين قوليلى اعمل ايه انا قلت حلول فوق بس انا عاوزه بعد عرض المشكله قولى نعمل ايه؟؟!!
عامه كويس يا ايمان الواحد مكنش مركز امبارح بس موضوع محترم