[..Just Stop]

سلام عليكم

تم تغيير موعد الرنامج وهيبقا كل يوم تلات الساعة عشرة

12/7/2009

قبل مابدأ كلام اللى هيتريق هوقفه :D

ازى حضراتكو يارب تكونو بخير
طبعا انا مكسوف لنفسى وللمذيعة التانية سلف بسبب تدهور الارسال اثناء بث الحلقة على ..الغرفة الصوتية الثانية..
لان هناك شىء غريب قد حدث الا وهو ان الغرفة نفسها مكنتش طيقاكو يوم الحلقة فاضطرت اسفة الى طرد المشاهدين والمذيعين والضيوف اكثر من مرة
وكأنها تقول شوفولكو قناة تانية
وطبعا المرشد اخد اكبر نصيب فى الطرد كل شوية يتطرد وادخله مش عارف ليه ( اشمعنا هو يعنى )
لكن عندما استقرت الغرفة لبضع دقائق كان الحوار ممتعا
سوف نقص عليكم تفاصيل الحلقة كاملة بدون حذف او رقابة ( اللا اللى طار اثناء طرد الغرفة لنا)
بدأت الحلقة فى تمام العاشرة وعشر دقائق مع باقة كبيرة من المشاهدوين تجاوزو العشرين مشاهد
وبصفتى مشرف للغرفة منعت عنهم الكتابة لانى عارف رخامتهم
وبدأ الحوار بعد دخول اسلام مباشرة الى الغرفة الصوتية بعد استئذانه خمس دقائق
وبدأت الحلقة بتقديم TRAVELالسوبر ستار مقدمة صغيرة اكملها الاذاعى المشهور والمشرف الادارى الفريد من نوعه
MAHMOUD_TAHA
وكان اللقاء كالتالى
اهلا بيكم اعزائى المشاهدين وحلقة جديدة من برنامجكو اون اير
معانا النهاردة ضيفين من اهم اعضاء المنتدى احدهم كان مصدر اثارة الجدل على مدار ثلاث اعوام
والاخرى تشغل منصب درجة اولى
وقبل ما نبدأ حوارنا بنذكركم بميل البرنامج onair86
وده اللى هنستقبل عليه استفساراتكو واسألتكو اثناء البرنامج
وقبل ما نبدأ حلقتنا عايزين نسمع قسم البرنامج وهنبدأ باسلام
فى الحقيقة اسلام عمل نفسه ناسى بس دنتى وراه لحد ما حلف
و"قال"
اقسم بالله العظيم ان اتكلم بكل صراحة ووضوح
"GUIDE" سمحنى يارب
وبعد ما اسلام قال القسم الغرفة طردت اية فاضطرينا نكمل الحوار مع اسلام
ولكن حفاظا على الترتيب هنرتب الحوار مع نفسنا
اية قالت القسم
ومن هنا اعتبرنا ان البرنامج كدا بدأ
MAHMOUD_TAHA
عايزين عرف البطاقة اشخصية لاسلام
"GUIDE"
الاسم :اسلام عبد الوهاب اسماعيل
السن :23 سنة
تاريخ الميلاد /11/6/1986
المؤهل بكلوريوس سياحة وفنادق جامعة قناة السويس بتقدير عام مقبول ومش بنحب نتكلم
المهنة الحالية محاسب فى احدى شركات الكومبيوتر (قطاع خاص)
وعامل جمعية ولسه مقبضتهاش
وفى الوقت ده اسلام اتخنق من حاجة وبضهر ايده راح موقع الكيسة وفصل جهازه وبعدها بشوية دخل الغرفة
وفى نفس ذات الوقت تم طرد اية من قبل اللى ما تتسما اللى اسمها الغرفة بس بعد شوية دخلت ايه

TRAVEL
عايزين نعرف البطاقة الشخصية لاية من الله

"اية من الله"
الاسم :: اية الله ( نورتى المحكمة فين الوالد والجد وجد الاب وباقى العيلة )
الاقامة : الجيزة
المؤهل طالبة ف الفرقة الاولى يعنى نعتبرها التانية كلية الاداب جامعة القاهرة
اميل للطابع السلفى
عاوزين اى رقم بطاقة ولا حاجة؟

TRAVEL
نبدأ اولى فقرات البرنامج وهيكون بعنوان شباب وخداع
طبعا كلنا بنسمع كتير عن خداع اللى بين الشباب والبنات

ع النت وف الحياة الواقعية
MAHMOUD_TAHA
عايزين نعرف ايه الدافع اللى يخلى ولد يخدع بنت او العكس
وطبعا اسلام مبيتوصاش فى الجدال
"GUIDE"
طب عايز تعرف ليه ( يبنى دا برنامج )
وفى الوقت دا تم طرد اسلام من الغرفة
وبعد مارجع جاوب على السؤال
"GUIDE"
بس اختصار الخداع بين الولد والبنت بيكون متبادل
وبيكون كل واحد فيهم عارف ومتاكد انه بيضحك على التانى وبيكون حابب الموضوع
زى ما تكون بتحلم حلم ومش عايز تفوق منهوالشخص عارف انه بيحلم


ومع ذلك بيكون مصدق الحلم

يمكن بيهرب من واقع

او حابب الحلم ده مش عارف

بس الاكيد انه بيكون واثق من نهايته

ومع ذلك بيحاول يغير النهاية دى

وبيقدر لو هو عنده النية لده

واكتر من كده مش هتكلم غير قدام المحامى بتاعى
TRAVEL
مين اللى واثق الخادع ام المخدوع؟
"GUIDE"

الاتنين بيكونه عارفين انهم بيضحكه على بعض

ومع ذلك بيوهم بعض بالحب وبيصدقه

احسبوها غباء مراهقة

زى ما تحسبوها بس هى كده

الولد مبيكنش عنده استعداد انه ياخد خطوة لقدام

والبنت مستنيه العريس الجاهز

اللى لو جه هتبيع هتبيع الحب

والولد هيتحجج بظروفه

وهو هيقلها انا منفعكيش وانتى كتير عليه

وهى لو جالها عريس

هتقول للى بتحبه

سورى جالى عريس اهلى بيضغطه عليه
TRAVEL
ايه رايك ف حوارات و الاعيب بين الشاب والفتاة
"ايةمن الله"
اعتقد ان كلها لعب عيال

وان كل ده كلام فاضى

وعن نفسى مش بقتنع بحاجة اسمها بحبك طب وبعدينهافضل احبك طب ها هانفضل نحب بعض
بس بقى بيبقى كله كلام فاضى ولا يجدى باى جديةوالاغلبية العظمى بتبوء بالفشل
بس بيبقى كله كلام فاضى ولا يجدى باى جدية والاغلبية العظمى بنبوء بالفشل
MAHMOUD_TAHA
طب ايه الدافع لكده يا اية
"ايةمن الله"
احنا قلدنا الغرب فى لبسنا وشربنا واكلنا وكلامنا مش هنقلدهم فى علاقاتنا
واكيد كلنا شايفين الوعى الازاعى والفنى بيبقى عامل ازاى يعنى هما بيقدو انا عايزة ابو فرس ابيض بجناحين اللى كان موجود فى فيلم مش عارف ايه
سالتها ف النص
MAHMOUD_TAHA
بس الخداع موجود من قبل اتصالنا بالغرب
مش مجرد تقليد
كله تقليد اعمى تانى حاجة العنوسة ذادت
ممممم بس قليل جدا
هنا قاطعها اسلام فورا

"GUIDE"
لالالالالا
العنوسة دى ملهاش دعوة بالخداع
العنوسة دى بترجع
هنا اية قاطعته واصبح الموضوع نقاشى
"اية من الله"
لا ليها
ليها اكيد

"GUIDE"

لان ام العروسة عايزة مكوى وشبشب حمام بفيونكة وبلاش ابو صابع ( الملافظ سعد )
"اية من الله"
مفيش عرسان كمثال بس فميش امل الا ضعيف جدا فبضطر اشبع رغبتى المكبوتة دى ازاى
باى كلام فارغ مع اى شاب بردو فارغ فبده احس انه ليا حد بيحبنى وبيبادلنى المشاعروظروف الشباب ليها عامل كبير بردو ان الشاب مش لاقى يتجوز
وهنا ترافيل قاطعتها وقالت كلمة الحب ( كلمة ليها العجب ) مفهوم الكلمة دى ايه فى نظرك
يعنى البند اللى ساعات بيكون ساعات واقعى وساعات بيكون خداع الحب
"اية من الله"
بصى يا ستى ( بصينا ) الحب شىء سامى جدا جدا جدا وحاجة جميلة اوى اوى بس للاسف مفهوم الحب الحقيقى فى زماننا ضاع خلاص بقا مجرد كلمة عادية جدا رايح جاى تتقال كان زمان كلمة الحب دى ليها ضوابطها وليها جمالها لما بتتقال بس ضاعت للاسف مع العلاقات المحرمة
TRAVEL
فى سؤال جالك ازاى المفروض البنت تكون علاقتها بالولد يعنى ازاى تبتدى المراحل الاولى للجواز ( فى الواقع مش فى النت )
وباختصار
"اية من الله"
حاضر عارفة انى رغاية خلاص
TRAVEL
لالالالا
هو السؤال كده وانا مالى

وطبعا اية غللبيتنا على ما فهمت السؤال شكلها كانت ادبى
بس فى الاخر وبعد معاناة فهمت
"اية من الله"
انا اعرف عن الولاد بيحبو البنت اللى يتجوزها تكون غالية ويوصل لكل حاجة منها بالعافية وتكن بردو غالية حتى كلامها يتمنى يسمع منها كلمة لكن معتقدش ان البنت اللى رايحة جاية تقول بحبك دى هتنفع لان مفيش جديد هتقوليلى ايه بعد الزواج
بس يا ستى تكونى درة كده وخلى بالك من الكلام معاه كويس اوى وخليه بالحدود علشان بعد الزواج يتمنى سمع منك كلام حلو وبردو مش تعامليه بجفاء لا كل احترام وكل حاجة بس يكون بحدود الدين
وفى الوقت ده اسلامقطع كلامها بجملة لطيفة ( بعد الجواز بيقولو منه لله اللى كان السبب )

MAHMOUD_TAHA
يا اسلام الاتنين بيكونو عارفين انهم بيخدعو بعض وبيعيشو الدور تفتكر دا ليه
"GUIDE"
منا قولتلك غباء وعلى فكرة بردو انا كنت غبى

TRAVEL
ازاى
"GUIDE"
الله مش حبيت قبل كدا
TRAVEL
... سؤال من الجمهور ...
تعقيبا ع رايك اللى قلته ف حوار الالاعيب
طيب هو غلط ان البنت تبص لقدام الولد هو اللى غلطان اساسا ليه تستنى على وهم الحب تعقيبا على كلامك اللى قولته بخصوص حوار والاعيب بين البنات والشباب
وفى الوقت دا تم طرد اسلام من الغرفة
MAHMOUD_TAHA
هل اتخدعتى قبل كدا
"اية من الله"
هو حضرتك بتتكلم عموما واللا جانب معين
MAHMOUD_TAHA
عموما ( على اساس كلامنا يعنى )
"اية من الله"
اتخدعت فناس كتير
TRAVEL
لا مش عموما نقصد فى حوار الالاعيب
MAHMOUD_TAHA
ممكن توضيح اكتر
"اية من الله"
توضيح ايه هنروح ورا الشمس
MAHMOUD_TAHA
كلمة تحبى توجهيها يا اية للبنات
"اية من الله"
حافظو على انفسكن وكونو درة غالية لا يستطيع لمسها الا صاحبها
MAHMOUD_TAHA
بخيلة حتى فى نصايحك
::::::::::::::::
وفى الوقت دا بقيت انا عضو عادى واترفع عنى الاشراف واللى بقا مشرف بسام
FRANKENSTEIN
و
ايمان
just dream
و
GUIDE
ومش فاكر مين كمان
وتم غلق الغرفة تمام ( وكأنها بفعل فاعل )
وجرت عدة محاولات لاكمال الحلقة على الميل لكن كل المحاولات بائت بالفشل
توت توت توت توت توت
:::::::::::::::::::::::::
وبكدا تكون خلصت اولى حلقات البرنامج
مع انه لم يتم تقديم سوى فقرة واحدة من فقراته بسبب عطل فنى فى الغرفة الصوتية
ان شاء الله الحلقة اللى جاية تكون افضل بكتييييييير ومش هيكون فيه عطل فنى

بعتزر عن تأخير كتابة الحلقة بس غصب عننا المنتدى واقع وتم تجميع الحلقة على ست اجزاء

بنشكر بنوتة اهلاوية واوركيديا على تدوين الحلقات

والى ان نلقاكم فى حلقة جديدة من برنامج ONAIR
دمتم فى رعاية الله