[account closed]

أعزائي القارئين


الطيبين


عن الشمال واليمين


السلام عليكم ورحمة الله وبركاته .


أنا انهاردة كنت بكلم هيام الصبح ع الميل


وكانت عايزة تنام


طبعا اضطريت احكيلها حدوتة الحرب العالمية التانية .


بس حسيت إنها هتخاف .


بصراحة .... ألفت حدوتة


بس طلعت حلوة مووووووووووووووووت


قلت لازم احكيهالكم .


احم احم احم .....


كان يا مكان .....يا سادة يا كرام


وما يحلى الكلام إلا بذكر النبى عليه الصلاة والسلام .


صلوا عليه يلا .


كان فى بنوتة اسمها ( خوخة ) اللى هى أنا


كانت مشتركة ف منتدى جميل اسمه ( بوابة الثانوية العامة )


بهدف الدراسة بس .


نجحت ف الثانوية العامة وجابت 85 ونص % .


قررت إنها تكمل ف المنتدى ده لأنه وشه حلو عليها .


ف الفترة دى اتعرفت على بنوتة اسمها ( هيام )


اللى هى بنوتة مسلمة .


اتكلموا ع الميل واتعرفوا ع بعض .


خوخة حبت هيام أوى لأنها طيبة ومحترمة وكويسة .


وهيام برده حبت خوخة موووووووت ( ده ع حسب كلامها ) .


المهم : خوخة وهيام بجد كانوا بيحبوا بعض جدا .


ملحوظة : الجزء اللى جاى ده من تأليفي .


جيه يوم وخوخة اتخبطت أقصد إتخطبت .


فحكمت على خطيبها إنه ياخدها للمنصورة ويخليها تزور هيام .


خوخة كانت فرحانة جدا هى وهيام .


وفضلت خوخة معاها طول اليوم ونسيت خطيبها


لحد يا عينى ما تحمص ف الشمس وأخد ضربة شمس .


خطيب خوخة زعل منها طبعا وزهق منها هى وهيام .


فقرر إنه يخطب هيام لواحد صاحبه عشان يستريح من مشوار المنصورة


وهيام تنزل الجيزة تعيش مع خوخة .


وبالفعل : هيام اتخطبت لصاحب خطيب خوخة .


وفرحهم كان ف يوم واحد


وكانوا قمرات يا خواتى .


وعاشوا ف بيت واحد الشقتين كانوا قدام بعض .


كل يوم الزوجين ينزلوا للشغل وهيام وخوخة يقضوا مع بعض طول اليوم


يساعدوا بعض ف الشقة والأكل وعيالهم يلعبوا مع بعض .


العيال كبرت .


خوخة كانت مخلفة توأم بنت وولد ,


وهيام كانت مخلفة توأم بنت وولد برده .


العيال اتجوزت بعض .


وعاش الجميع فى سعادة وهناء .


وتوتة توتة خلصت الحدوتة حلوة ولا ملتوتة ؟؟؟؟؟؟؟


بجد والله نفسى أوى الحدوتة دى تتحقق


بحبك يا هيام قلبى


إهدااااااااااااااااااء ليكي .


وإياك حد ينقلها ده قسم إهداءات .


يلا إيه رأيكم ؟؟؟؟؟؟؟؟