اقتباس:
|
هل هذة الكلية شهادتهامعتمدة لاني سمعت اقوال انها ليست معتمدة
|
أكيد طبعا معتمدة .. دي جامعة حلوان يابنتي ..
يعني جامعة حكومية منشأة بقرار من المجلس الأعلى للجامعات
اقتباس:
|
وهل هي مطلوبة في مجال العمل
|
بصي .. كقاعدة عامة .. كليات التجارة على مستوي مصر كلها مستواها متقارب
لإن اللي بيتدرس في جامعة المنصورة هوا اللي بيتدرس في القاهرة هوا برده اللي بيتدرس في حلوان
هما مش هايخترعوا مناهج جديدة يعني !
اقتباس:
|
وهي هي مثل تجارة القاهرة وام افضل فيهم
|
والله انا شايف ان تجارة القاهرة اشهر حاليا .. لكن مستقبل حلوان قدام مش دلوقتي
خاصة ان فيها تخصصات اكتر من القاهرة ..
زي تجارة خارجية واحصاء واقتصاد دا طبعا بالاضافة للتأمين والمحاسبة والادارة
غير كدا .. فيه شعبة جديدة نزلت تقريبا السنة اللي فاتت اسمها شعبة نظم معلومات
غير كمان شعبة تجارة انجليش .. فانا شايف ان حلوان مستقبلها هايبقي احسن قدام مش دلوقتي
لإن حلوان اصلا لسه برده في طور الإنشاء .. لسه بيبنوا فيها ..
وانتي بنفسك اما تخشيها هاتعرفي دا كله ..
ورجلك هاتوجعك من كتر المشي وهاتتبهدلي من الشمس !!