قوم يا مصرى
قوم يا مصرى
ازاى تكون يا مصرى غير نفسك
وانت اللى روح الدنيا من نفّسك؟
ولو الشمال والجنوب يفقدوا شمسك
تفسد جهات الكون والإنسانية تهون
لما تهين نفسك
يا مصرى ياللى زرعت الضمير ورويت
وياما علمت ياما ..وياما ربيت
وصنعت محاريت الشقا وشقيت
كافحت وشقيت
عليت جسور وبنيت
هنا.. معبد طريق للسما
وهنا.. الشجر والبيت
ايه اللى صابك؟ رضاك أعماك
خلاك عدو نفسك
سلمت للمفترى اللى كتم نفسك
ورماك ف ديل البشر و كرعك يأسك
وقعدت جنب الحيط تغزل خيوط المذله
بعد الهرم والمسله
لما الهوان لحسك
|