[BaNZeR]

هل كلام الناس لا يقدم ولا يؤخر ؟؟

بيتهيألي لأ ممكن

انت / انتي مش ممكن تمشي ورا كلام حد وتنفذ حاجة مكنتش حتعملها إلا بعد ما اقتنعت بيها


مش ممكن واحد فاشل يديك نصيحة
زي (نفش تعش تنتعش ) وانت تنفض بجد وتفشل زيه
يبقى كده الكلام تأثرك بيه رجعك ورا

بفتكر واحد صاحبنا في اعدادي كان هو الوحيد معانا في نص السنة اللى سقط وجاب 49.8%
يعني كمان اتنين من عشرة وكان عدى

قلنالو ليه كده
قالنا اصلي كل ما كنت بسأل حد يقولي مابذاكرش مبذاكرش
قلت اعمل زيهم ونجحو كلهم ولاد الـ............. الكدابين

هو في الحقيقة كانوا فعلاً مبيذاكروش بس بيعوضو ليلة الامتحان
لكن هو اتأثر بالكلام بتاعهم بدون وعي وفهم وبدون اتباع نفس خطتهم وبالتالي رجع لورا


جايز الشخص اللى بيتلون وبيكدب في نظره غنه هو كده حيتقدم
لأنه رئيسه مثلاً حيقدمه في العمل ويزيد من منصبه

ويبقى هو كده اتقدم اسرع

لكن لو واحد تاني اشتغل بذمة ومبالغش محتاج فترة عشان يثبت نفسه ويقف على رجله ويبان

فياخد مدة طويلة
لكن طبعاً المنصب اللى بييجي بسرعة ومش بحق بيضيع برده بنفس السرعة مادام متعبش فيه


ومينفعش الواحد ميتأثرش بكلام الناس لأنه هو جزء من الناس
والجزء جزئية من الكل
وزي ما في ناس بتتأثر بكلامي اكيد انا بتأثر بكلام الناس

وإلا يبقى السمع مكنش كان ليه لازمة

شكلي طلعت بره الموضوع مش كده