[Rymonda]

المشاركة الأصلية كتبت بواسطة حياتنا لله

ونستكمل المسيره ...

تعرف تقول 5 فروق بين البطه والوزه ؟
ايوووووووووون ..
انا اعرف ..

1- تقدر تحلق شعرك زلبطة لكن ماتقدرش تحلقة زلوزة
2- فية رحالة اسمة ابن بطوطة لكن مافيش رحالة اسمة ابن وزوزة
3- تقدر تبلبط في البحر لكن ماتقدرش تبلوز فية
4- كلنا بنتغطى في الشتاء ببطانية لكن مابنتغطاش بوزانية
5- الوزة كانت زمان بطة لكن الشيطان وزها...

5 فروق بين الفيل والنمله ؟
ماشي ..

1-رجل الفيل ممكن تنمل لكن رجل النمله مش ممكن تفيل

2-البيت ممكن يبقى فيه نمليه لكن مش ممكن يبقى فيه فيليه

3-تقدر تاكل سمك فيليه لكن مش ممكن تاكل سمك نمليه

4-كل واحد له بروفيل لكن مالوش برونمله

5-you can feel but can't namla

...

ليه الكتكوت مش بيعرف يكدب على الفرخه ؟
عشان هي اللي فاقساه !!

...

ليه القطر بيقف على المحطه ؟
عادي جدا .. مبيعرفش يقعد!!

...

طب وليه بيمشي بعد كده ؟
اصله بعيد عنك زهق مـ الوقفه

...

بيضه وقعت من الطياره ومش إتكسرت - تفتكر ليه ؟
ربنا ستر بقى .. نصيــــــــب!!

...

إزاي نحط غزاله ف الثلاجه على 3 خطوات ؟
عادي جدا ..
نفتح التلاجه .. نحط الغزاله .. نقفل التلاجه ..

...

طب إزاي نحط الفيل ف الثلاجه على 4 خطوات ؟
اسهل ..
نفتح التلاجه .. نطلع الغزاله .. نحط الفيل .. نقفل التلاجه ..

...

طيب في طياره شايله أجهزه كهربائيه وحصل فيها عطل فلازم نرمي أتقل جهاز - نرمي إيه ؟
التلاجه اللي فيها الفيل..
هههههههههههههههههههههههههههههه

...

واحد بيعوم وفجأه مات - تفتكر ليه ؟
يمكن لما الطياره رمت التلاجه اللي فيها الفيل .. وقعت عليه ..ههههههههههههههههه


بالشفا إن شاء الله ...

هههههههههههههههههههههههههههههههههههههههههههههههههه هههههه
لا بجد جميله الاسئله..
واتعملوا فيا قبل كده .. معظمهم يعني ..
الكام سؤال الاخرنيين دول انا جاوبتهم كده بالبركه .. محدش عملهم فيا قبل كده ..
انا مش عارفه مشوفتش الموضوع اللذيذ ده ازاي قبل كده ..
بجد حلو قوي ..
تسلم ع التوبيك ..
وانا بسجل متابعه ..
يا رب الاجابات تكون قريبه حتى من الصح !!
في رعاية الله !!