بسم الله الرحمن الرحيم
سلام عليكم و رحمة الله و بركاته
و عليكم السلام ورحمة الله وبركاته
أعرفكم الأول بنفسى طالب خلص المرحلة التانية و داخل هندسة إن شاء الله
اهلا وسهلا ربنا يوفقك باذن الله
يعنى أكبر منكم بسنة وحيدة (متنسوش مخدتش سته ابتدائى)
يا بختك انا بحقد عليك هههههههه (بهزر)
المهم كنت عرضت عليكم عرض و محدش رد نعيده تانى مفيش مشاكل خالص
حد عنده مشاكل فى النحو و الصرف إن شاء الله نخدمه فيها
جزاك الله خيرا ربنا يعطيك على قدر نيتك
و فيه فكرة عرضتها عليكم تحبوا نعمل كورس للنحو خلال الأجازة ده
عشان إن شاء الله توفروا وقت مذاكرته من جديد فى السنتين الجايين
و الله انا معنديش مانع بس وضح معلش ازاى كورس فى المنتدى عشان اول مره اشارك
طبعًا مش دلوقت الأجازة لسة فى أولها بس دلوقت بنعرض الفكرة و نشوف ردود أفعال الطلبة
اوك
و إن شاء الله إذا لاقت الفكرة استحسانكم نبقى نلملم أوراقنا و نبدأ معاكم من الصفر
و لما أقول من الصفر يبقى إن شاء الله من الصفر و ربنا يسهل و نوصل لآخر حاجة فى نحو الثانوى فى أقصر وقت
يلا مستنين التأييدات أو المعارضات
اؤيدك ان شاء الله
جزاك الله خيرا
تحياتى
و على فكره انا كمان علمى رياضه و داخله باذن الله هندسه