من الحجات الجميله اوى ان الواحد يدخل موضوع اسمه مقاطعه لحاجه غير اللى اتعودنا عليها
البضائع الاسرائيليه والكلام ده
والادهى انه يكون لبرنامج عربى بيقدم حقايق وانا هرد ع كل نقطه حضرتك قلتها
لان للاسف موضوعك يفتقر لدليل مادى واضح
وزى الجمله المشهوره المتهم برىء حتى تثبت ادانته
المشكله ان الاتهام نفسه يكون باطل!!
اقتباس:
|
ثانيا هي تسود الدنيا في عيوننا والبعض يقول هي اصلا سوداء ماشي يبقى كفاية نعيشها سوداء بالنهار ومش لازم نشوفها سودا بالليل كمان
|
باى منطق ؟؟
بص ياسيدى الفاضل انا همشي ممعاك وهبطل اتفرج ع البرامج التى تجعل الحياه سوداء فحم
اروح اتفرج ع game team مش هيخلى فى نفسك حاجه
هل هو ده الحل عشان اشوف الدنيا وردى وردى
وتنطلق انغام الست ساعد حسنى الحياه بئا لونها بمبى
بجد حكايه غريبه
هل الحل للمشاكل ان احنا نحط راسنا فى الرمل ونقول لا دول كدابين يع وحشين كخه مش هتفرج
الناس بتعيش حياه بجد وحشه فى شريحه مش لاقيه الاكل
انت شخصيه مرفهه والمشكله ان احنا ولا حاسين لا انا ولا انت ولا اى حد
موضوع العباره واللى تناولته البرامج دى ع سبيل الذكر لا الحصر
هل انى اقول لا العباره اشطه وزى الفل ابئا انا اعلام جميل
هل المطلوب انى اقدملك حواديت ظريفه تساعدك ع النوم !!
انت لو واحد من اهل الناس اللى ماتو فى العباره ولا اتحرقوا فى مسرح بنى سويف ولا اتقتلوا فى بنى مزار
بعد الشر يعنى مع ان كلنا معرضين لكده
وشفت الحملات الدعائيه دى كنت حمدت ربنا
لولاها يا استاذى الفاضل مكنش حد اخد عوض
عارفه ان المبالغ مش بتكفى ولا بتعوض بس بتساعد
برنامج زى القاهره اليوم والمشاهدين اللى قدموا اعانات لاهل الضحايا!!
اقتباس:
|
ثالثا هي برامج متحيزة جدا ولكن تدعي الحيادية وتتعامل مع الضيوف بمتطق اللي نحبه ندلعة واللي مش عاجبنه نشرحه
|
متحيزه ضد مين .. ضد الحكومه
وهل الحكومه محتاجه ان احنا نواسيها ولا هى بتقدم ايه اصلا عشان نطبط عليها
اقتباس:
|
رابعا تخلق نجوم للمجتمع والشباب من المدعيين وانصاف الجهلاء لمجرد انهم بيكرهو اسرائيل ما كلنا بنكرهها
|
هات مثل ووضح !!
بص يا دوك اكتب كده فى سيرش ع اليوتيوب بحث عن ياسر وبلال فضل
واسمع الكلام عن اليهود ده تبع برنامج العاشره مساءا
اقتباس:
وأهم حاجة انها تجعل كل فئات المجتمع في حالة كراهية مع بعض الرجل ضد المرأة والفقير ضد الغني والمواطن ضد الشرطيوالمسلم ضد المسيحي
|
مفيش اعلام بيعمل كده
والا يكون اعلام غبى وساذج
ومعتقدش ان ده حصل لما طلع موضوع ان مسلمين او بعض الشباب فجروا عربيات بجوار كنيسه فى اسكندريه باين
الاعلاميين حاولوا تخفيف الموقف
بس المشكله
ان حاله الاحتقان اصلا بقت زايده اوى
اقتباس:
|
وقلت لنفسي ممكن بدل الساعتين اللي باشاهد فيهم جرعة النكد دي اقرأ 3 اجزاء قرآن او كتاب مهم او اتكلم مع زوجتى بدل الخرس الزوجي او الاعب اولادي اوازور اقارب او0000000 خمسين حاجة كلهم افيد امتع
|
احم حضرتك ممكن تعمل كل ده بس معتقدش ان حضرتك ممكن تنزل فى نص الاسبوع
والمشكله ان مش فكره انى ابعد عن البرامج دى هى الحل
بالعكس هتضيع منك اخبار كتير
ولو عرفتها من جريده حكوميه صدقنى هتشوفها بطريقه عجيبه تحسسك ان مصر لسه بخير
ولو معارضه هتسمع عبدالحليم طريقك مسدود مسدود ياولدى