[اوركيديا]

معلش حرد هنا يا اسلام
ردها استفزنى

المشاركة الأصلية كتبت بواسطة بنوته اهلاويه

هههههههههههههههه
موضوع ظريف بس مش شايفين انكم متحاملين زياده عن اللزوم
ماله ابوتريكه اعتقد ان ياريت يكون عندنا ابوتريكه تانى وتالت ورابع وعاشر
مش فى الكوره بس وفى المجالات التانيه
العيب مش ع الاطفال ولا المراهقين اللى عايزين يبقى زيه
ولا حتى العيب فى انك تبقى زيه
العيب انك ميكنش ليك هدف وهى دى المشكله
على فكره انتى بتتكملى فى منطقه تانيه من الموضوع

احنا مش بنتكلم فى ابو تريكه كشخص اكتر ما بنتكلم على الاوضاع العامه
على التقدير المستحق اللى كل انسان بياخده
ابو تريكه فنان معاكى
هل يستخق فى دوله ناميه زيينا الملايين دى
لاء
هو ده المنطق
نطبق نفس المنطق
علماء الفيزياء النوويه
مبدعين
هل يتسحقوا ملايين فى دوله ناميه
اها
هل بياخدوها
لاء

ده المنطق اللى بتكلم عليه
عدم توازن الفرص بين كفتين غير متكافئتين اصلا
لا فى العلم و لا فى التعب و لا فى المجهود الانسانى البحت و لا فى الاحتياج ليهم

يبقى المنطق ان اللى بيقول انا عايز اطلع زى ابو تريكه
مش عشان هو انسان خلوق و ملتزم و محترم و فنان فى الكوره
لاء
عشان هو بيكسب
فقط لا غير
لغه المال هى الاساس
و ستظل هنا
لو لم يرحمنا ربنا

ولاء بتقلك جزء من اغنيه بلدنا بتتقدم بينا جزء من اغنيه
المهم انا مش شايفه ان الجمله دى للتريقه احنا عندنا شريحه كويسه من الشباب ع فكره
انتى يا ولاء نفسك اهو شخصيه مثقفه وع قدر كويس من التعليم
ايه المشكله ان بلدك تتقدم بيكى يا دكتوره !!
عارفه انه صعب وان اللى بيفهموا حاليا مش بياكلوا عيش
ماعلينا

اممممممم
لاء حلوه النقطه تى مش ما علينا و لا حاجه
نتكلم بالمنطق
شوفى الاغنيه
هى ايه
مجرد كلام
بحت
كلام مرسل
طلع على فراغ و مشى فى الفراغ و وصل لفراغ (اللى هو عقولنا )
عارفه الاغانى الوطنيه دى انا احبها فين
لما تبقى للتشجيع
واحد بيعمل و بيشتغل و عرقان
بقوله بلدك حتبقى و انت حتعمل و انتوا حلوين
عشان ينشط و لا حاجه ثبطته فى النص العزيمه تزيد
بس واحد نايم مخمود
مش الاول حصحيه
و افوقه
و اكب على راسه الميه الساقعه
و بعدين لما يفوق و يصحى و يبدا يشتغل
اقوله قوم يا مصرى مصر دايما بتناديلك
قوم لنصرى نصرى دين واجب عليك
اما بقى لما قولتله الاغنيه اللذيذه بتاعت بلدنا بتتقدم بينا و هو لسه نايم
مش بعيد يبتدى يشخر
و يكمل نومه فى العسل


اما بقى الميه الساقعه اللى قصدى عليها اللى حتصحى الراجل
هى الحقيقه
ان احنا بلد متخلف
ماشى بالوسطه و الكوسه و المحسوبيه
بلد طلعت منه رائحه العفن حتى كادت تخنق الانفاس
بلد نجاحه فى انه يواجه حققه ان بيطرد اولاده اللى المفروض يتقدم بيهم
انا عايزه اغانى تقول كده
و تواجه الناس
تطاردهم
تقلق مضاجعهم
توريهم الحقيقه و بس
بدون لا افتاءات امل
و لا دعاوى تقدم زائف
فهمتينى


ده غير ان فى جانب تانى مهم فى الموضوع
ان الناس اللى بتقول الحاجات دى هى اساسا مش مقتنعه بيه
و لا بتقوله من قلبها
و لا عمر البلد ما حتتقدم بيهم
اكيد فاكره الاغنيه اللى لاقت شهره عالميه من كتر التريقه اللى طلعت عليها
مشربتش من نيلها
و اكيد عارفه ان مغنيتها الطروب سافرت لندن تقريبا و لا امريكا
عشان الجنسيه

لازم الحاجه تبقى من القلب عشان توصل
يعنى انا لما اسمع نداء الكرامه من جمال عبد الناصر لازم افتخر
و ابتسم
هو ده الفرق