السلام عليكم
بصراحة يا جماعة على حسب معلوماتى
ان كلام محمد اللى هو lost password
هو الاصح اللى انا اعرفه ان المنحه اللى انتوا بتتكلموا عليها اللى هى free
من كل المصاريف دى
مش منحة عادية حضرتك لازم يكون ليك رياده ف خدمة المجتمع
و تقدم ما يثبت
و هما فى ال interview
بيسالوك عشان يتاكدوا
دى تعتبر اهم نقطة لان ده برنامج لاعداد قادة المستقبل
بمعنى ان الطلبة دول بيبقوا حاجة special
لان لهم ندوات و حاجات هما اللى بيعملوها كل اسبوع تقريبا
بيناقشوا فيها ظاهرة معينة
و على فكرة هى دى المنحة الوحيدة اللى شاملة كل المصاريف
و هى فعلا عدد المقبولين فيها كبير
لانهم بياخدوا ولد و بنت من كل محافظة
فيه كمان منح تانية بس مش شاملة
يعنى فيه منحة تفوق و كده
بس كل الحاجات دى لازم تجتاز فيها الاختبار طالما منحة
اما لو مش منحة يبقى ممكن مش تجتاز الاختبار لانك كده او كده هتدفع ال 90000(غير المعيشة و مستلزمات الدراسة من كتب و كورسات و كده يعنى)
بس عليك انك تلتحق بمعهد اللغة فى الجامعة لمدة سنة عشان تقدر تتعامل مع الاساتذة هناك
فيه بقى منح تانية
زى
شارإلي أن الجامعة توفر منحة للحاصلين علي أعلي ٢٥% من المجاميع المتقدمة للجامعة، وتبلغ ٣١% من قيمة المصاريف ويشترط للاستمرار فيها ألا يقل تقدير الطالب عن ٧٥% كل عام، مضيفاً أن هناك منحة أخري قد تزيد علي ٣٣%، فيما يعرف بالمعونة المالية وتعطي للطالب بعد دراسة حالته المادية والاجتماعية لمعرفة مدي عجزه عن سداد المصاريف.
وأضاف الفقي، أن هناك منحة أخري للطالب الذي يمر بظروف طارئة كوفاة العائل أو مرض أحد أفراد الأسرة، وقد تصل إلي ٨٠% من قيمة المصروفات، إضافة إلي منح للتميز الرياضي والنشاط الثقافي قيمة كل منها ١٥% والمنح الموصفة التي يقدمها بعض الأشخاص لتحمل تكاليف تعليم طالب في تخصص معين أو من جنسية محددة. وأشار إلي أن الجامعة تقوم أيضاً ببرامج عمل للطلاب في وظائف داخل الجامعة للمساهمة في نفقات دراستهم، مشدداً علي أن هذه المنح غير مرتبطة ويستطيع الطالب الحصول علي أكثر من منحة في وقت واحد.
طبعا الفقى هو د/اشرف اللى هو نائب رئيس الجامعة
ربنا يوفقكم فى المنح بتاعتكم بقى