25-07-2009, 05:22 PM
|
 |
عضو فعال
|
|
تاريخ التسجيل: Jul 2008
العمر: 33
المشاركات: 272
معدل تقييم المستوى: 17
|
|
كلام بنات
في تالته ثانوي كنت مرتبه مجموعة بنات صاحباتي انهم هيبقوا معايا في الكليه
الكليه دي كنت باتمني انها تبقي طب
كنا مع بعض في الفصل وفي الدروس
خلصت الامتحانات وظهرت النتيجه وجبنا مجموع طب
كلمت واحده منهم وسألتها هتدخلي ايه قالت أنا محتاره بين أسنان وصيدله
وكذلك قالت أكثر من واحده
بعد كده المدرسه طلبت العشره الاوائل
رحنا كلنا
وبدأنا نسأل بعض عن الكليات
بصراحه اتصدمت لما لقيت ان كل الأوائل ناويين علي صيدله
وواحده بس هي اللي ناويه علي طب
دار بيننا حوار ولقيتهم بيقولوا "مالم يكن في الحسبان"
تصدقوا ان السسبب ورا صيدله أو أسنان هو انها 5سنين
واحده منهم قالت"احنا خلصنا ثانويه عامه علشان نبدأ ثانويه عامه تانيه"
وواده تانيه قالت"احنا استحملناسنتين ثانويه عامه بالعافيه "
مع ان الصيدله مش أسهل من طب بكتييير زكل كليه وليها صعوبتها
المهم اللي أخد القدر الكبير من الكلام هو الجواز
قالو
"هو انت هتتجوزي عندك 25 سنه"
قلت ربنا كاتب للانسان هو هيتجوز مين
قالت واحده
"هيجي بعد ماتفقدي الاملز بتوع طب أصلا منسيين"
اللي انا استشفيته من الحوار
هل الناس عندها جهل ديني لهذه الدرجه ولهذا الحد؟
لدرجة عدم الوثوق في هذه المسلمات الدينيه والأشياء اللي ربنا ضامنها لينا
حتي في آخر الحوار قلتلهم عموما ياجماعه انا هاستخير ربنا
انتو يعني مااستخرتوش ربنا لما جيتوا تدخلوا احياء في تانيه؟
جاءت الصدمه التانيه في ردهم قالو لأ ........ونستخيره ليه واحنا عارفين ان احنا هندخل أحياء!!!
سبحان الله ماكنتش أتوقع ان هو ده ردهم
سؤالي هل ممكن ان الجواز يخلينا نغير مستقبلنا وخخططننا؟مع ان ممكن تخلص الكليه وتستني كذا سنه وبعدين تتجوز!!!!
سبحان الله
__________________
.gif)
اللهم إني أبرأ من الثقه إلا بك ومن التفويض إلا إليك ومن الذل إلا إليك ومن الخوف إلا منك ومن الإستغاثه إلا بك
|