[Amethyst]

المشاركة الأصلية كتبت بواسطة TRAVEL

انا داخلة الموضوع ده قهر وغصب واجبار
وكل الحاجات دى .. ماشى يا رصاصة ده ان الله ستار رحيم
يللا ابقي دبسيه ف حاجة من عندك


امرى لله
مش فاكر انا بدايتى مع المطبخ والاكل كانت ازاى
بس كل اللى افتكره انى لما كنت احب اتقرب من السلطات العليا "ماما"كنت ادخل المطبخ كانى بروقه وكنت بخليه نضيف جداا عن طريق انى كنت بخبى اى (****يب) تحت الترابيزات او اللى ميدخلش دماغى ارميه من غير ما اسال
ههههههههه
تحفة

ولما ماما تسال فين كذا اقولها كلته القطة
(لانها كانت ع طول تقولى الجملة دى وكنت بحب اقلدها وخلاص مش مهم تاثير تقليدى بيكون ازاى)

اول مرة فكرت اساعد ف الاكل كان تنضيفه
اى حاجة تخطر ف بالكوا كنت بنضفها بمية وصابون ولو استعصى الامر معايا بزود كلور
بس اللى كان مشكلة معايا هو
السمك
كنت بنضفه من القشر وبقشره بعمل حواليا معرض الاسر المنتجة
مش فاهمة دي


او

انى اقلب سمكة من غير خياشيم
و
افتح السمكة من غير ما انضف او اشيل اللى فيها لانى كنت بتقرف اوى واقوم حطاها ف مية وصابون وبعدين اغسلهم كويس من الصابون واقول مبعرفش اسيل اللى جواها
اللى فاكراه من تنضيف الفراخ ماما كانت بتستغرب اوى وتقولى بتخليها نضيفة اوى كده ازاى
(بنتها شاطرة بقى وست بيت من صغرها)
ف قلتلها زى الهدوم انتى بتخليها نضيفة اوى ازاى قالتلى بالمسحوق قلتلها وانا بالمية والصابون

باريال و لا برسيل .. ياختي كميلة


هى وبابا واخواتى سمعوا كده

حسسونى انى عملت حاجة غلط

بعدين رقونى انى اكون شيف ف تقشير البصل وفرمه ف ال"كيتشن ماشين"

اول اكلة عملتها ف حياتى
كانت ماما ف المستشفى واختى ف الامتحانات واخواتى الشباب كذلك
ونظرا لسنى "مش فاكر بس كان تقريبا خامسة ابتدائى"اصغرهم انا
قررت اعرفهم انى صغيرة سناا لكن ست بيت شاطرة
قررت اعمل اكل ليهم
المهم اتبعت نفس خطواتها
افتح التلاجة
اجيب الفراخ
(هى بتسيبها لما تفك من التلج وتنضفها اذا كانت محتاجة تنضيف)
انا بقى طلعتها حطيتها ف مية سخنة ع طوول وهى مجمدة
وجبت البصل حطيته
بس التوابل احتارت فيها اوى ومش عارف اعمل ايه

روحت جايبة كل التوابل عدا الشطة والوان غريبة تانية كده مبشوفهاش تحطها
وقومت حطاها ومكعب "فاين فودز"
وكلوا مع بعضوا بقى
احم فاصل ونعود
علشان تعبانة والله بجد

كملي كملي
تحفة

عامة مبدأياً كويس إن فيه حد بيحاول يدخله
أنا كل ما أدخل ماما بتقولي اطلعي برة
روحي اتفرجي ع التليفزيون
روحي اقعدي مع بابا في المكتب
اقعدي ع الكمبيوتر ..
إلخ من أساليب التوزيعيشن

مش عارفة بيعاملوني كده ليه
ده أنا غلبانة خالص

يللا مستنين باقي الحوادث
و بردو محدش قالي رقم المطافي كام .؟

بس أنا زعلانة منك بقى يا زوزو
هاا