[Moky]

انا عن نفسي مثلا مش عايزة ادخل طب
يعنى من البداية رغم ان بابا وماما اطباء واخويا الكبير في طب بس انا مش بحب كلية طب
وناوية على صيدلة ان شاء الله(بعد ما صليت استخارة) بس مش للأسباب اللي همه قالوها
حتة الجواز دي نصيب ومكتوب ومش حيقدمها او حيأخرها انك تدخلي اي كلية
ما ممكن تدخلي كلية اربع سنين حتى وتتجوزي متأخر
انا مش فاهمه هما بيفكروا الزاي
لان الجواز ده له بالجمال وله العلم وله الكلية وله مال وله اي حاجة من ديه
الجواز ده زي الرزق الليكي نصيب فيه حيجيك وفي وقته اللي ربنا مقدره سواء بدري اومتأخر
وبعدين اعرف بنات متخرجين من صيدلة بقالهم سنين ومتجوزوش برغم الجمال والاخلاق يعني مفهمش عيب بس نصيبهم لسه مجاش واعرف بنات في طب مخطوبة وفي متجوزين كمان
دي من جهة الجواز اما بقى من جهة انهم مش عايزين يذاكروا فأغلب الطلبة بتبقى كده
بيبقوا ناويين انهم مش حيذكروا فبيبقوا عايزين كلية سهلة نسبيا
فبيبقوا شايفين كلية الطب صعبة فبيقولوا ندخل صيدلة مهما كانت صعبة مش حتبقى زي طب
وبعدين ممكن يكونوا داخلين صيدلة او طب اسنان بسبب ضغط اهليهم الله اعلم

جاءت الصدمه التانيه في ردهم قالو لأ ........ونستخيره ليه واحنا عارفين ان احنا هندخل أحياء!!!

انا استخرت ربنا قبل ما ادخل احياء واستخرت قبل ما اخد اقتصاد واحصاء واستخرت عشان الكلية يعني مقضية السنة كلها استخارة

سبحان الله ماكنتش أتوقع ان هو ده ردهم
سؤالي هل ممكن ان الجواز يخلينا نغير مستقبلنا وخخططننا؟مع ان ممكن تخلص الكليه وتستني كذا سنه وبعدين تتجوز!!!!

الجواز ممكن يخلين نغير خططنا ومستقبلنا بس لما نكون اتجوزنا فبنهيأظروفنا على الوضع الجديد
انما انا مش شايفة اي سبب اننا نغير خططنا عشان الجواز اللي لسه ماجاش
رايي انك تصلي استخارة ولو لقيتي نفسك مرتاحة لطب ادخوليها ومايهمكيش واذا كان على اصحابك حتقبلي اصحاب غيرهم مش حتبقي لوحدك في الكلية

ملحوظة:
الحاجة الغريبة ان كل اصحابي تقريبا ناويين على طب مفيش غير واحدة بس اللي ناوية على صيدلة