[أسيل رزق]

المشاركة الأصلية كتبت بواسطة **اية

انا لسة مخلصة 3 ثانوى وجايبة 88.5% انا عارفة انه مجموع مش اد كدة بس انا اتظلمت كتير المهم

الحمد لله علي كل شئ وعشان مطولش عليكم انا ناوية ادخل كلية آداب

انا عايزة اعرف من حضرتكم ايه اقسام كلية آداب وايه هى افضل الاقسام

وكمان ايه هى شروط كل قسم000000000000000000؟

انا جايبة 40.5 في اللغة الانجليزية

ومجموع اللغات 134.5

يا ريت الافادة بسرعة عشان ان ا قدوت مرحلة اولي

فى كلية الآداب جامعة عين شمس الأقسام دى
لغة عربية .. لغة إنجليزية .. لغة فرنسية .. إرشاد سياحى .. آثار .. إعلام .. حضارة أوربية .. لغة عبرية .. لغات شرقية .. دراما .. مكتبات .. تاريخ .. فلسفة .. جغرافيا .. إجتماع .. علم نفس

الأقسام اللى ليها مستقبل فى الشغل

لغة إنجليزية .. لغة فرنسية .. إرشاد سياحى .. آثار .. إعلام .. حضارة أوربية .. لغة عبرية .. لغات شرقية

بالنسبة للشروط ما مش عرفاهم كلهم بالظبط بس أغلبهم بياخدوا مجموع اللغات و بالنسبة لمجموعك فى الانجليزى مش هينفع تدخلى قسم إنجليزى لإنه بيقبل من 45 لفوق و كذلك إعلام و آثار و إرشاد و بالنسبة لقسم فرنسى بيطلب المستوى الرفيع إنجليزى و لازم الفرنساوى يكون لغة أولى فى ثانوى و بالنسبة لقسم إنجليزى بيطلب غن المستوى الرفيع إنجليزى و تقريباً نفس الشرط فى إرشاد .. بالنسبة لباقى الأقسام مافيهاش شروط أصعب من إنجليزى و فرنسى و إرشاد و إعلام و آثار
التاريخ مثلاً بيطلب مجموع اللغات من رقم معين و بيطلب مجموع التاريخ من 40 تقريباً لفوق و قسم الفلسفة غالباً مش بيكون ليه شروط خالص و قسم علم نفس بيكون مجموع اللغات 80% تقريباً لأعلى و مجموع علم النفس من 48 لأعلى و اللى مجموعهم كبير ليهم الأولوية فى دخول القسم

يا رب أكون قدرت أفيدك على قد ما أقدر

و ربنا يوفق الجميع